Allen den ghenen (et)c(etera) dat joff(rouwe) aleid van meensele weduwe/ jans wilen switten van arschot ende heeft geconstitueert gesett/ en(de) geordineert en(de) met des(en) l(ette)ren constitueert stelt en(de) ordin(er)t/ heuren p(ro)cureur en(de) voirganghe(r) janne dyllen heuren zwag(er)/ in allen heuren saken geschillen en(de) bederven die zij nu uutstaen(de)/ heeft of namails hebben sal in aenlegg(er)s of verweerd(er)s stad/ hoedanich die zijn Geven(de) en(de) verleenen(de) de voirs(creven) joff(rouwe) aleid/ den vors(creven) heuren p(ro)cureur volcomen macht auctoriteit ende/ zunderlinghe beveel alle de selve saken met rechte te v(er)wae(re)n/ te bedinghen te beschudden en(de) te vervolgen tallen plaetsen/ en(de) gerichten en(de) tegen eene(n)yegeliken dair dat behoeven sal/ moegen Ende desgelijcx om alle(n) der voirs(creven) constitueerd(er)ssen/ tsijze rinten pachten en(de) ande(r) schulden diemen heure nu sculdich/ es of namails wesen sal Te manen teysschen op te boe(re)n en(de)/ tontfanghen den sculde(re)n van zijnen ontfanghe quijt te schelde(n)/ en(de) quitancie te gheven daghe en(de) respijt te verleenen vanden/ ande(re)n d(air)voe(r) te panden te daghen te beleiden en(de) rastamente/ te doen leggen composicie en(de) mynlike yffen(er)inghe d(air)af te/ maken scepen(en) brieve te vo(n)niss(en) en(de) die texeque(re)n de selve/ tsijze rinten pachten en(de) schulden met rechte teysschen en(de) te/ vervolgen die te wynnen en(de) te verliesen getuygen ofts behoeft/ te leyden der wed(er)p(ar)tien getuygen te zien swe(re)n die te batte(re)n/ te replice(re)n te duplice(re)n also wale int principail als int accessoir/ also dicwile en(de) menichwerven als des te doen zijn sall en(de)/ alle pointen en(de) articulen van rechte d(air)toe te vord(ere)n die na/ recht of costume vand(er) plaetsen dair dat geboert behoiren/ moegen en(de) den vors(creven) p(ro)cur(eur) orb(er)lic duncken selen Ende voerts/ alle tghene (et)c(etera) Cu(m) comput(atione) (et) revoc(atione) Cor(am) ouder(ogghe) burg(imagistro)/ berghe langr(ode) scab(inis) no(vembris) xxi