Cont sij allen lyeden dat de p(ro)visoren ende momboe(re)n vanden heylighen gheeste/ te loven(e) in jeghew(er)dich(eit) der scepen(en) van loven(e) ghestaen hebben uutgegeve(n)/ ende bekint dat sij uutghegeve(n) hebben inden name ende van weghen des/ voirs(creven) heyligheest gheerde van gheerdesberghen wonen(de) te boeslynthe(r) inde/ p(ro)chie van boe(n)sbeke thoff te boeslynthe(r) des voirs(creven) heyligheest inde/ p(ro)chie van boensbeke gheleghen met allen sijne(n) toebehoirten metten/ wynnen(de) landen beempden ende eeusselen dair toebehoren(de) ghelijkerwijs/ de voirs(creven) gheert de selve goede tande(re)n tijden in pechtinghen ghehouden/ heeft In desen uutghescheyden dat de voirs(creven) heyligheest tot sijne(n)/ p(ro)fijte ende verdoene hebben sal de goede h(ier) nae besc(re)ven Inden yersten/ eenhalf boender lants gheleghen acht(er) den groeten zittert naest den/ goeden tcloest(er)s van clabbeke Item een dach(mael) lants aen den maensborre/ gheleghen zonder den wynne dair inne e(n)nichsins ghericht te zijne/ oft hem dat te myncken aen den jairlijken pacht oft weyghelde Te/ houden(e) te hebben(e) ende te wynnen(e) van halff meerte lestleden eenen/ t(er)mijn van sesse jairen langk due(re)nde deen nae dand(er) sond(er) myddel/ volghen(de) Elcx jairs dae(re)n bynne(n) de voirs(creven) wynnen(de) lande om en(de)/ voe(r) xxxiii mudde(n) rox goet ende payabel met wa(n)ne en(de) met vede(re)n/ wel bereyt der maten van loven(en) ende pachts van boensbeke tsinte andries/ misse ap(oste)ls te betalen(e) en(de) te loven(en) int voirs(creven) heylichs gheest huys te/ leveren(e) ende de beempden ende eeusselen o(m)me ende voe(r) xx hollansche/ gulden(en) xvi stuv(er)s voir elke(n) gulden(en) gherekent tsinte m(er)tensmisse inden/ wynt(er) te betalen(e) alle jaire den voirs(creven) t(er)mijn due(re)nde ende telken t(er)mijne/ als vervolghde schout opde vurw(er)den ende condicie(n) h(ier) onder besc(re)ven Inde(n)/ yersten dat de voirs(creven) wynne alle jaire sijne(n) t(er)mij(n) due(re)nde de voirs(creven)/ goede wel ende loflick wynne(n) werven ende mesten sal ghelijck/ reghenoten boven ende beneden ende de beempden ende eeusselen beheyme(n)/ ende bevreden sonder cost des voirs(creven) heyligheest ende die tot sijne(n) afscheyde(n)/ bevreedt laten ghelijck hij die bevonden heeft tot sijne(n) aencomen(e) En(de) sal/ de voirs(creven) wynne alle jaire den chijs en(de) co(m)mer uut allen den voirs(creven) goede(n)/ gaen(de) als dien verschijne(n) sal betalen sonder afslach vanden voirs(creven) pachte/ oft weyghelde It(em) sal de voirs(creven) wynne allet tstroe dat vanden voirg(enoemde)/ goeden come(n) sal bynne(n) den voirs(creven) hove met sijne(n) beesten etten en(de) slijten/ en(de) dair af mestmaken en(de) dat vue(re)n opt landt tot slants meeste(n) p(ro)fijte
//
It(em) es vurw(er)de dat de wynne jairlix gheven sall ii[c] walms/ om die huysinghe dair mede te houden ende soe wa(n)neer men/ dien aldair opde huyse verdecken sal soe sal den heyligheest den/ wercluden de dachhue(re)n betalen ende de wynne den montcost/ ende desghelijx van allen ouden wercke Mair waert alsoe datme(n)/ int voirs(creven) hoff van des heylichs gheest weghen e(n)nighe nouwe/ ty(m)merynghe maken woude dair af en soude de voirs(creven) wynne/ egheene(n) cost hebben Ende waert alsoe dat e(n)nighe schade geschiedde/ aen die huysinghe vanden vors(creven) hove van des voirs(creven) wynne(n) beesten dat/ soude de voirs(creven) wynne weder o(m)me op sijne(n) cost doen maken It(em) sal/ voort de voirs(creven) wynne de huysinghe vanden voirs(creven) goeden houden op sijne(n)/ cost vander onderster rijkelen nederw(er)ts in goede state It(em) oft opde/ voirs(creven) goede e(n)nighe boeme verdroeghden die sal de wynne moghe(n)/ afhouwen ende voir elken verdroeghden boem weder om setten twee/ leven(de) poeten vanden selven sape It(em) en sal de voirs(creven) wynne bynne(n)/ sijne(n) drie leste jaire(n) egheene goede moghe(n) hoervruchte(n) ende/ voirt de voirs(creven) goede laten tot sijne(n) afscheyden ghelijck hiernae volght/ Te weten(e) v(½) boende(re)n gheleghen inden yse(re)n couthe(r) tusschen boensbeke/ en(de) yse(re)n ende een boender gheleghen aent acht(er)ste froenrot aen de/ strate aldair besaeyt met wynter coren(en) op iiii ghetijdighe voren/ It(em) drie boende(re)n ende een dach(mael) gheleghen tyse(re)n aen tcapelken opde(n)/ cruysberch Item een boender gheleghen inden ausloe wech It(em)/ een boender acht(er) loedens aen den vlaes een dach(mael) gheleghen aen/ hechelken dair men gheet te lynthe(r) waert een half boender aen/ jacop heyden bosch ende 1(½) zille aende vedeweye stortte ende eens/ o(m)me ghedaen ende alle dande(r) lande brake It(em) es voort vurw(er)de/ dat de voirs(creven) wynne de voirs(creven) goede nyeman(de) voerts uutgheven/ en sal noch verhue(re)n dan bij consente der voirs(creven) momboe(re)n en(de) rintmeest(er)s/ in tyden te loven(en) int heyligh(ee)st huys wonen(de) Ende alle dese vurw(er)den/ gheluften ende condicien voirs(creven) hebben ghelooft de voirs(creven) momboe(re)n/ van des heylichs gheest weghen ende de voirs(creven) wynne malcande(re)n/ vaste ende ghestede te houden ende die te voldoene tallen tijden als/ die vallen ende verschijne(n) sullen ende telken t(er)mijne als v(er)volghde
//
schout Ende hier voire sijn borghen des voirs(creven) wynnen als/ p(ri)ncipael schulde(re)n indivisim peet(er) van gheerberghen brueder/ des voirs(creven) wynne(n) jan p(er)soens mychiel couwens alle wonen(de)/ te boensbeke gheert vander buect gheheeten der kinde(re)n zone/ wijlen reyners wonende te glabbeke mathijs van gheerberghe(n)/ brueder svoirs(creven) gheerts ende pet(er)s wonen(de) te soerbeempde henrick/ de smet janssone wonen(de) te meensselle [en(de)] henrick vander buect/ gheheeten der kynde(re)n brued(er)s des voirs(creven) gheerts wonen(de) t(er) nuw(er)capelle(n)/ Et p(ri)m(us) cor(am) roelants langrode januarii vii[ma] Sen(tentiatum) p(er) jo(han)nem/ heyms t(am)q(uam) p(ro)cur(ator)em mense cor(am) oppend(orp) holair ap(ri)lis xiii a(nn)[o] lxxxii