Allen den ghene(n) dien dese onse opene l(ette)ren gethoent sullen worden burg(er)/ meeste(re)n scepen(en) en(de) raide d(er) stad van loven(en) saluyt Doen te weten(e) dat op hede(n)/ voir ons comen is heilwijch weduwe jans wilen neve wonen(de) nu t(er)tijt te lov(en)/ en(de) heeft geordin(er)t gestelt en(de) gemaict en(de) met des(en) l(ette)ren maect ordineert en(de) stelt/ heure p(ro)cur(eur)s en(de) voirgeng(er)s hubrechte(n) van straten onsen ingeseten poirte(r) wettige(n)/ man en(de) momboir cornelien docht(er) jacops wile(n) vand(er) capellen he(re)n ja(n)ne gyntens/ prieste(r) ja(n)ne h(er)mans henricke h(er)mans sinen sone en(de) elken va(n) hen besund(er)t in allen/ hue(re)n saken gescillen en(de) bederve(n) die sij nu te doen heeft oft namaels hebbe(n) sal/ moghe(n) in aenlegg(er)s oft verweerd(er)s stad hoedanich die sele(n) sijn Geven(de) en(de) v(er)lenen(de)/ de vors(creven) constitueerdersse de(n) voirs(creven) hue(re)n p(ro)cur(eur)s en(de) elke(n) besund(er)t volcome(n) macht/ auctoriteit en(de) zund(er)linghe beveel alle de selve saken met rechte te verware(n) te/ bescudden te v(er)volghe(n) en(de) te bedinghe(n) talle(n) plaetsen en(de) gerichte(n) en(de) tege(n) eene(n) iege/ liken d(air) dat behoeve(n) sal moghe(n) En(de) desgelijx o(m)me alle d(er) voirs(creven) (con)stitueerd(er)sse(n)/ tsijsen rinte(n) pachten en(de) and(ere)n sculden dieme(n) huer nu sculd(ich) is oft namaels wese(n)/ sal te manen teisschen op te bue(re)n en(de) tontfanghe(n) den sculde(re)n va(n) hue(re)n ontfa(n)ge/ quijt te scelden en(de) quitan(cie) te gheven d(air) voe(r) te panden te daghene en(de) rasta(men)[te]/ te leggen composicie en(de) mynlike yff(eninge) d(air) af te make(n) en(de) oic om biden vors(creven)/ h(ere)n ja(n)ne gyntens tontfanghe(n) tot des vors(creven) hubrechts va(n) straten en(de) cornelien/ sijnre huysvrouwen behoef en(de) heure(n) erve(n) en(de) naec(omelingen) behoef alsulke(n) guedi(n)ge/ erffenisse en(de) vestich(eit) alse de hee(re) va(n) gaesbeke d(er) vors(creven) constitueerdersse(n)/ sculd(ich) is te doene also sij seeght va(n) sesse rinsch(en) gul(den) erflik(er) rinte(n) op seke(r)/ goede den vors(creven) hee(re) van gaesbeke toebehoi(re)nde te heeze gelege(n) En(de) oic de/ vors(creven) chijse rinten pachten en(de) sculden met rechte te v(er)volghen en(de) te bedinghe(n)/ die te wynne(n) en(de) te v(er)liesen tallen plaetsen en(de) voir alle gerichte(n) d(air) dat/ behoeve(n) en(de) te doen sal wese(n) En(de) alle pointe(n) en(de) ar[ticulen] va(n) rechte d(air) toe te/ vord(ere)n die nae recht oft costume vand(er) plaetsen d(air) dat geboirt behoire(n)/ moegen en(de) den vors(creven) p(ro)cur(eur)s orb(er)lic duncken sullen En(de) voirt alle tgene/ d(air) inne en(de) in des d(air) aen cleve(n) mach te doen en(de) te vord(ere)n het sij inden recht/ oft d(air) buyten dat de vors(creven) constitueerd(er)sse selve doen soude oft mocht/ waert dat zij voe(r) ogen wae(re) Geloven(de) de selve (con)stitueerd(er)sse vast en(de)/ gestentich te houden tewigen dagen wes biden vors(creven) hue(re)n p(ro)cur(eur)s en(de) elken/ besund(er)t ind(er) vors(creven) saken en(de) in des d(air) aen cleve(n) mach gedaen en(de) gevordert/ sal worden het sij te wynne oft te v(er)liese in e(n)nig(er) manie(re)n Des torco(n)d(en) (et)c(etera)/ hanckart substituto burg(imagistro) berge langr(ode) scab(inis) ja(nuarii) ix