Cont sij allen lyeden dat jan ghielijs zone wijlen jans wonen(de)/ te nederwynde in teghew(or)dich(eit) der scepen(en) van loven(en) ghestaen heeft/ ghenome(n) ende bekint dat hij ghenome(n) heeft van andriese thoemaes/ na(tuer)lick de wynnen(de) lande hier nae besc(re)ven die hij houden(de) es/ vanden cloeste(r) van sinte nychasius van ryemen Te weten yerst/ vier boender lants gheleghen omtrent nederwynde opde heyde tussche(n)/ de goide sgoidshuys van heyleshem ende de erfghename(n) gheheeten/ sabels van leeuwe Item sesthien roeden lants gheleghen aldair/ naest den goiden sgoidshuys van p(er)cke Item elff zillen lants gelege(n)/ inde landensche delle It(em) drie zillen lants gheleghen ald(air) den wech/ van landen(en) te thiene(n) waert doer gaet It(em) vijff zillen lants ghelege(n)/ opt pedeken gaende va(n) nederwynde te landen(en) weert Item vierthien/ groete roede(n) lands gheleghen ald(air) naest den goiden sgoidshuys van/ heyleshem voirs(creven) Te houden(e) ende te hebben ende te wynnen vanden/ sevensten daghe van meye dat was int jaer xiiii[c] lxxiii eenen/ t(er)mijn van sesse jaire(n) langk due(re)nde deen nae dande(r) zond(er) middel/ volghen(de) elcx jairs dae(re)n bynne(n) voe(r) ende o(m)me achthiene mudde(n)/ t(er)wen goeds ende payabels pachts inde mate van thiene(n) Te weten/ zesse halst(er) der selv(en) maten voer elck mudde voirs(creven) gherekent Tsinte andriesmisse/ ap(oste)ls te betalen ende te thienen op eene(n) op eene(n) zolde(r) dien de voirs(creven) jan/ op sijne(n) cost den voirs(creven) andriese doen sal te leveren(e) alle jaire den voirs(creven)/ t(er)mijn due(re)nde quo(libe)t ass(ecutu)[m] It(em) es vurw(er)de dat de voirs(creven) wynne/ de voirs(creven) lande tijdelijken mesten wynne(n) ende acke(re)n sal welfl en(de) loflick/ ghelijck sijne(n) reghenoeten ende den lesten oeghst ghedaen sijnde tvoirs(creven)/ land bloet laten uutghescheyden drie boender braken die hij eens omdoen/ sal It(em) oft ghebuerde dat de voirsc(reven) wynne aen de voirs(creven) goede bynnen/ den voirs(creven) tijde schade hadde oft lede van tempeeste oft ghemeyne(n) oerloghe/ dair af sal de voirs(creven) andries den voirs(creven) wynne rastoer doen en(de) v(er)guetsingh(en)/ ghelijck ande(re) h(ere)n ende p(re)laten hue(re)n pechtene(re)n bove(n) ende beneden doen/ sullen Ende alle dese vurw(er)den gheluften en(de) condicie(n) voirs(creven) hebben gelooft/ de voirs(creven) wynne in deen zijde ende de voirs(creven) andries in dande(re) vast geste(n)tic(h)/ en(de) onv(er)brekelick te houden(e) en(de) te voldoene tallen tijde(n) en(de) t(er)mijne(n) als die
//
vallen ende verschijne(n) zullen En(de) telken t(er)mijne als v(er)volghde/ schout Hier van es borghe des voirs(creven) wynne(n) als p(ri)ncipael/ schuld(er) michiel ghielijs zone des voirs(creven) wynne(n) wonen(de) nu/ t(er) tijt tot eeleshem Voort hebben ghelooft de selve wynne/ en(de) mychiel sijn zone [ind(ivisim)] in desen te vername janne vand(er)/ eyken behoude sone des selfs wynne(n) wonen(de) te laere dat/ hij tussche(n) dit en(de) ons(er) liev(er) vrouwe(n) daghe nativitas naestc(omende)/ hem voir schepen(en) van loeven(en) van al des voirs(creven) es verbynden/ en(de) v(er)oblige(re)n sal Et p(ri)m(us) cor(am) roelofs langrode junii x iiii[ta]