It(em) also als ten vervolghe henricks van strale s(in)te pet(er)sman te lov(en) vander/ stad weghen van loeven gescreven es geweest den meye(r) va(n) berthem/ oft zijnen stedehoude(r) dat hij desselfs s(in)te pet(er)smans goede costel(oes)/ ontslaghen hadde die de selve meye(r) voe(r) zeke(r) p(er)sonele eyschinge(n)/ die hij den vors(creven) s(in)te pet(er)sman(ne) eyschende was beslaghen hadde/ Ende oft de selve meye(r) den vors(creven) s(in)te pet(er)smanne yet eyschen wilde/ dat hij des op heden alhier te rechte quame voe(r) meye(r) en(de) s(in)te pet(er)sman(ne)/ van loeven (et)c(etera) So heeft hem de selve s(in)te petersman alhier te/ rechte gep(rese)nteert dair de selve meye(r) niet comen en es noch onschout/ gesonden en heeft Cor(am) roelants roelofs lyemi(n)ghen ho(min)ibus sancti/ petri januarii xii