It(em) jan wittemans woenen(de) s(in)te marien thielt in p(rese)ncia (et)c(etera) heeft genome(n)/ en(de) bekindt dat hij genomen heeft van engelbrechte vanden berghe/ als p(ro)cur(eur) en(de) rintmeest(er) sgoidshuys van s(in)te g(er)truden te lov(en) va(n) wege(n)/ desselfs goidshuys de corenthiende geheten de vryheit thiende/ den vors(creven) goidsh(uys) toebehoiren(de) met heuren toebehoirten gelegen te tielt/ voirs(creven) Te houden en(de) te hebben van halfmerte naistcomen(de) eene(n) t(er)mijn/ van sess jairen langh deen na dander zond(er) middel volghende/ Elcx jaers dae(re)nbynnen voer en(de) om sess mudden rogs en(de) zeven/ mudden even(en) elcx grains goeds en(de) payabels met wanne en(de) vede(re)n wel/ bereidt der maten van loeven ts(in)t andriesmisse ap(oste)ls te betalen en(de)/ te loeven opden spiker svors(creven) goidsh(uys) te leve(re)n den selven goidshuyse/ oft heuren rintmeest(er) ten tijde wesende jairlicx den vors(creven) t(er)mijn/ due(re)nde (et) quo(li)b(et) ass(ecutu)[m] welken pacht de voirs(creven) jan witteman jairlicx/ den vors(creven) cloeste(r) den vors(creven) termijn due(re)nde gelooft heeft te betale(n)/ en(de) te leve(re)n gelijc voirs(creven) steet quo(li)b(et) ass(ecutu)[m] Met vorwerden dat de/ voirs(creven) jan jairlicx den p(er)soon van thielt uut(er) vors(creven) thienden gheven/ en(de) leve(re)n sal zijn gewoenlijc stroe gelijc hij dat ald(air) van outs gehadt/ heeft en(de) men hem sculdich es Cor(am) roelofs b(er)ghe ja(nua)[rii] xvi