It(em) es te weten(e) dat de voirs(creven) schult spruyten(de) compt uut eene(n) scep(enen)/ brieve van loven(en) spreken(de) van drie saluyten lijft(ochten) staen(de) ten live anth(onijs)/ en(de) florentijne(n) na(tur)lijke kinde(re) meest(er) wout(er)s wijlen ramp(ar)ts die jan van rode/ als p(ri)ncipael h(er) jan pynnoc rydde(r) wout(er) van lathem ende hector pauwels/ voirs(creven) jacop van nuesb(er)ghe laureys willeman ende wout(er) van overbeken/ als borghen schuldich sijn vander dat(en) xiiii[c] lii xi daghe in septemb(er) dair af dat den selve(n) scep(enen) brief ten selve(n) rechte ov(er)ghegeve(n) is/ willem(me) van leefdale Ende soe is vurw(er)de oft men in naecomen(de) tijden/ met wettig(er) rekeninghen bevonde dat tderdel der voirs(creven) lijft(ochten) myn gedroeghe/ metten verloepen(en) pachte en(de) coste ende co(m)me(r) dair op gheloepen dan de voirs(creven)/ su(m)me van xvi saluyten ende eene(n) rinssche(n) gul(den) ghedraeght dat dat den/ voirs(creven) hectoren aen de selve su(m)me coste(n) sal met vurw(er)den oick dat niet/ wederstaen(de) den t(er)mijne(n) ind(en) voirg(enoemde) gheluften beg(re)pen oft den voirs(creven) hectore(n)/ e(n)nighe goede bynne(n) myddelen tijde(n) aenquame(n) oft verstorve(n) dat hij dan/ die goede vercoepen sal ende de pe(n)ninghe dair af comen(de) den voirs(creven) persoene(n)/ uutreyken in afslaghe der voirs(creven) schult sond(er) arghelist behoud(elic) dat/ den selve(n) lijftocht brief vanden voirs(creven) drie saluyten in sijnre macht blive(n)/ sal alleene opde goede ende derfghename(n) jans wijlen van rode welck/ wijlen jan als p(ri)ncipael inden selve(n) brief gelijck voirs(creven) steet verobligeert/ es Ende soe wes metten voirs(creven) lijftocht brieve opde goede en(de) erfgename(n)/ des voirs(creven) wijlen jans van rode vercreghen sal wordden dat dair af den/ voirs(creven) hectoren deen derdel volghen sal tyerst afghetoghe(n) de costen van/ vervolghe die dair om ghedaen sijn sullen cor(am) eisd(em)