It(em) jan van rillair de jonghe sone jans van rillair van/ huldenberghe woenen(de) op dese tijt opde groeve in p(rese)ncia/ heeft gelooft op zijn lijf en(de) goet en(de) op zoenbreke te/ sijne dat hij om gheend(er)hande saken noch stucken wille/ die gesciet zijn tot opden dach van heden tusschem hem/ op deene zijde en(de) barbele sbeckers geheten vand(er) ca(m)men/ dochter wilen henricx in dande(re) der selver barbelen/ ny(m)mermeer wangunst hatye veede noch viantscap/ draghen noch doen en sal hair crincken noch hynde(re)n aen/ hair lijff noch goede daghen noch moyen buyten lants/ bij hem selven noch niemant and(er)s in gheend(er) manie(re)n/ Bekynnen(de) en(de) verliden(de) zoe wair hij hier tegen dade dat/ hij sijn soude peysbreker en(de) zoenbreker en(de) verbort hebben/ sijn lijf en(de) goet ond(er) wat he(re)n oft gerichte hij bevonden soude/ worden cor(am) roelofs berghe febr(uarii) xix