SAL7762, Akte: R°211.1 (392 van 661)
Akte R°211.1
Act
Datum: 1475-02-21
Transcriptie
2019-09-19 door Walter De SmetItem vanden gedinghe dat geweest es inde banck voe(r) meye(r) en(de) scepen(en)/
van loeven tusschen collairde du pont die met lyberte de fraine geleidt/
es na den rechte der stad van loeven tot allen den goeden jans wile(n)/
lambrechts geheten de fraine en(de) onder den ande(re)n tot zess mudden/
core(n)s erflic d(air)af de vure staen op zeke(r) goede lyebrechts de/
fraine gelegen te cockeamont en(de) tseste verpandt es op zeke(r)/
goede oliviers le roy gelegen te gesteal voe(r) zeke(r) deughdelic/
gebreck van ii(½) rijnsch(en) gulden(en) te xx stuv(er)s tstuc lijftochten staen(de)/
ten live joff(rouwen) lijsbetten wilen boekels en(de) joess heurs soons en(de)/
des langhsten levende van hen beiden D(air)af de voirs(creven) geleidde/
de brieve tselven rechte overhadden t(er) eenre zijden en(de) janne/
cannis die getruwt heeft marien weduwe desselfs wilen jans/
lambrechts t(er) ande(re) alse vanden voirs(creven) vi mudden core(n)s d(air)aen/
de vors(creven) jan cannis als man en(de) momboir zijns wijfs voirs(creven)/
ongebruyck dede seggende de selve geleidde [collard] dat hem de/
vi mudde core(n)s tot behoef vand heuren [zinen] vors(creven) gebreke sculdich/
waren te volghen aengesien dat de voirs(creven) wilen jan lambrechts/
de selve vi mudde core(n)s in zijnen levene besat als zijn p(ro)per/
erve en(de) d(air)uut starf als uut zijnen erve en(de) liet die also acht(er)/
onv(er)tiert zonder den vors(creven) geleidden te willen (con)tente(re)n van/
zijnen gebreke en(de) dat wair was dat de vors(creven) wilen jan/
d(air)uut gestorven was p(re)senteert hij te thoenen hopende wair/
hij dat gethoenen conste dat hem dan de vors(creven) vi mudde corens/
volghen souden ten mynsten also langhe als de voirs(creven) marie wed(uwe)/
des voirs(creven) wilen jans livich en(de) leven(de) wae(r) tot zijnen vors(creven) wettige(r)/
gebreken behoef Dairop de vors(creven) jan cannis hem v(er)antwerden(de)/
dede zeggen dat tvoirs(creven) coren den vors(creven) zijnen wive in heylike/
met den vors(creven) heuren iersten man gegeven waren op zeke(re) (con)dicien/
begrepen in zeke(re) scepen(en) brieve gepasseert voe(r) de wet van/
cockeamont dair hijs hem toegedroegh en(de) die hij inden rechte/
exhibeerde met meer woirden bij hem verhaelt was ierst
thoenisse gehoirt gewijst bij vo(n)niss(en) der scepen(en) van loeven/
t(er) maniss(en) tsmeyers na aensprake verantwerden en(de) thoenisse/
des vors(creven) collairts des hij volquam dat den selven collairde/
de vors(creven) vi mudde corens tot voldoeninghen zijnre vors(creven) wettig(er)/
gebreken zo langhe de vors(creven) marie werdynne des vors(creven) jans/
cannis leven sal volgen zullen Cor(am) roelofs lye(mingh)[en] berghe/
vos heyk(ens) febr(uarii) xxi
Nagekeken door: Jan Boncquet
Moderator: Jan Boncquet
Laatste update:: 2016-06-07 door Jos Jonckheer