Item na dien dat joes messoens geheten bellens in rastamente gedaen/ hadde een tritsoir zijnde ten huyse anthoenijs pavillon en(de) eenen gruene(n)/ vrouwen tabbairt gevoedert met gefineerden wesende ten huyse lodewijcx/ platvoets legwerckers voer xl rijnsch(en) gulden(en) die hem henr(ic) wilen/ vanden dale meye(r) te halen sculdich bleven es en(de) tvoirs(creven) zijn rastame(n)t/ gevolght heeft mett(er) eenre met der ande(re) en(de) met der derder genechten/ en(de) dairaf de conde gedaen zo dat behoirt met janne de briede(re) vorste(r)/ en(de) diene(r) ons(es) gened(ichs) h(ere)n aen joff(rouwen) marien weduwe des voirs(creven)/ wilen henricks gelijc de selve joes dat in rechte gethoent heeft/ met den vors(creven) vorste(r) de voirs(creven) rastamente en(de) de konde also gedaen/ zijnde So hebben de scepen(en) van loeven gewijst dat de voirs(creven) joes/ zijn schult bij zijnre eed soude verifice(re)n dwelck hij gedaen heeft/ en(de) met zijnre eed die gegroetst deughdelike gedragende t(er) so(m)me(n)/ van xl rijnsch(en) gulden(en) te lx pl(a)c(ken) den gulden(en) gerekent en(de) cost en(de)/ cost en(de) co(m)mer d(air)op met rechte geloepen En(de) zo es voirt gewijst/ dat den vors(creven) joese de voirs(creven) goede tot zijnre geverificeerd(er) schout/ behoef volghen selen en(de) dat hij die dair voe(r) exeque(re)n sal Cor(am)/ roelants roelofs berghe vos heyk(ens) febr(uarii) xxv