Item de voirs(creven) gehuysschen hebben gesett geconstitueert en(de) volcomelic/ gemechticht zonder wederroepen den voirs(creven) gheerde mo(m)mairt om/ inden name van hen met den ande(re)n heuren medep(ar)tien of mededeild(er)s/ recht en(de) deel hebben(de) in alle de goede beruerlike en(de) omberuerlike/ gebleven achter den voirs(creven) wilen janne rovebocks de selve goede/ voer alle wetten dair des behoeven sal moeghen te lotene en(de) te/ deylene en(de) alsulken deel en(de) porcie alse den voirs(creven) gehuyschen inde/ voirs(creven) goede aengeloott sal werden taenverdene en(de) op dander gedeelte/ dairaf van heuren weghen te worpene en(de) te verthijene wairscap/ dairaf te gelovene Ende dairaf ende vanden condicien ende/ vorwerden dair aen clevende alsulken geluften zekerh(eit) en(de) vestich(eit)/ te doen alsmen bijden wetten dair des te doen sall zijn bevinden/ sall dair toe dienen(de) en(de) behoiren(de) Geloven(de) de vors(creven) gehuyschen/ voer hen en(de) heuren nacomelinghen en(de) opte verboirte van allen/ heuren goeden beruerlike en(de) omberuerlike tegewoirdighe ende/ toecomen(de) te houden voer goed vast en(de) van weerden teeuwigen/ daghen onv(er)breckelic zonder e(n)nich wederseggen alle tghene des/ bijden voirs(creven) gheerde hier inne gedaen voertgekeert en(de) gelooft zall/ werden in e(n)nigher manie(re)n Cor(am) hanck(ar)t sub(stitu)[to] burg(imagistr)[o]/(et) dict(is) scabinis eodem