It(em) nae dien dat m(ar)griet boens dochter henricx wijlen boens/ ghedraghen ende ghebaert heeft een dochter die in hue(re)n doepsele/ gheheeten is m(ar)griete ende de selve m(ar)griete die moeder die huer/ voirs(creven) docht(er) gheaffirmeert heeft aen hair ghewonne(n) te zijne/ bij janne van velpe goutsmet ende alsoe hem die als vader der/ selver dochter ghegheve(n) ende de selve jan die docht(er) tot hemw(er)t/ ghenome(n) ende in voesteringhe(n) wael ende behoeflijken besorght/ en(de) bestaedt hadde Soe heeft de voirs(creven) m(ar)griete die moeder die vors(creven)/ huer dochter by wille ende fayte tot huerwert ghenome(n) en(de) uuten/ handen besorghe ende regimente jans van velpe voirs(creven) zonder consente/ ende wille desselfs jans Ende als de voirs(creven) jan t(er) eenre ende de vors(creven)/ m(ar)griete t(er) ande(re) de moeder t(er) ande(re) van desen comen sijn voir den raide/ vand(er) stadt soe heeft de voirs(creven) m(ar)griete den voirs(creven) janne de voirs(creven) docht(er)/ niet willen laten volghen om van hem bewaert ende besorght te wordden(e)/ soe wat onderwijs men huer dair af ghedaen heeft ende soe is huer/ bijden raide vander stad koese ghegeve(n) oft sij die dochter woude late(n)/ volghen den voirs(creven) janne ende sonder huer in toecomen(de) tijden e(n)nigen/ last dair af te hebben(e) oft dat sij die selve nu aenverden woude ende/ tot heurw(er)t nemen zonder den voirs(creven) janne in e(n)nighe(n) toecomenden/ tijden dair af ghelast te wordden(e) in e(n)nig(er) manie(re)n Ende soe heeft de/ selve m(ar)griete bij expres ghecoren die docht(er) opde voirs(creven) vurw(er)de aen te na/ nemen(e) ende ghebeden alsoe te moghen aenneme(n) Nae den welken es/ ghet(er)mineert dat nae tversueck der voirs(creven) m(ar)grieten ende daennemen der/ voirs(creven) hue(re)r dochter dat de voirs(creven) jan van nu voertaen in toecomen(de) tijden vander/ voirs(creven) dochter onghelast sal blijve(n) niet wederstaen(de) dat jan ghehouwt man es/ ende was doen de dochter ghewonne(n) was ende den last vander selver dochter/ sal staen ende blijve(n) opde voirs(creven) m(ar)griete moeder der dochter Actu(m) in consilio/ cor(am) ouderogghe burg(imagistr)[o] et aliis de consilio m(ar)cii xii