Item roelof van berthem onse ingeseten poirt(er) heeft gestelt/ geordineert en(de) gemaict arnde weer woenen(de) te libbeke te wesen/ zijnen meye(r) te libbeke en(de) te vertrijcke en(de) dair omtrint Geven(de)/ en(de) verleenen(de) den selven arnde volcomen macht auctoriteit en(de)/ zund(er)linghe beveel de vors(creven) meyerie te bedienen en(de) te/ verwarene en(de) d(air) inne te doen en(de) texeque(re)n alle manie(re)n en(de)/ vord(er)inghen van rechte die de voermeye(re)n geploghen hebben/ en(de) v(er)moghen na rechte te doene niet dair inne uutgescheiden/ Geven(de) oic en(de) verleenen(de) de vors(creven) roelof den voirs(creven) arnde/ volcomen [macht] en(de) zund(er)linghe beveel alle desselfs roelofs tsijze/ rinten pachten en(de) ande(re) schulden diemen he hem nu ten/ vors(creven) plaetsen of eld(er)s zo wair dat zij sculdich es of namails/ wesen sal te manen teyschen op te boe(re)n en(de) tontfanghen den/ sculde(re)n van zijnen ontfanghe quijt te schelden en(de) quitancie te/ gheven [d(air) voe(r) te panden ten dagen en(de) rastamente te doen leggen]/ De selve tsijze rinten pachten en(de) schulden en(de) alle/ zijn ande(re) saken en(de) stucken die hij nu uutstaende heeft of namails/ hebben sal moegen in aenlegg(er)s oft verweerd(er)s stad hoedanich/ die zijn met rechte te vervolgen en(de) te bedinghen die te/ wynnen en(de) te verliesen tallen plaetsen en(de) voer alle gerichten/ dair dat behoeven sal moegen composicie en(de) mynlike/ yffeninghe dairaf te maken [scepen(en) br(ieven)] thoeniss(en) en(de) wairheid(en) te leyden/ en(de) der wed(er)p(ar)tien getuyghen te zien en(de) hoiren zwe(re)n die/ te batte(re)n ende te wed(er)leggen also dicwile en(de) menichwerven/ als des te doen zal zijn en(de) alle poenten en(de) articulen van/ rechte d(air)toe te vord(ere)n die ne r na recht of costume vand(en)/ plaetsen dair dat geboert behoiren moegen en(de) den vors(creven) arnde/ orb(er)lic duncken zelen En(de) voirts alle tghene (et)c(etera) Geloven(de)/ vast cu(m) comput(atione) [(et) revoc(atione)] Ouder(ogghe) burg(imagistro) roelofs b(er)them scab(inis)/ m(ar)cii xv