Item na dien dat comen zijn voe(r) den raide vander stad jan andries in/ deen zijde ende henrick met den ghelde in dande(re) alse van dat de selve/ henrick met den ghelde met zijnre huysvrouwen den voirs(creven) janne/ andries vercocht hadde een bosschelken gelijc dat gelegen es te/ berthem opte copstrate dat den erfgenamen der kynde(re)n loenijs/ toebehoiren plach en(de) dat gelooft te warande(re)n voer leengoed/ datmen houdende es vanden hee(re) en(de) goidshuyse van corby Welke/ gelufte van warandeerscape de voirs(creven) henrick ontkynnende was/ en(de) de voirs(creven) jan andries gethoent heeft dat de voirs(creven) henr(ick)/ met den ghelde ende zijn huysvrouwe inder coopmanscap ende/ inder guedinghen vorwerde was dat henr(ick) met zijnder huysvrouwe(n)/ voirs(creven) hem de voirs(creven) goede voer leengoed en(de) te leene gehouden/ vanden hee(re) en(de) goidshuyse van corby warande(re)n soude hoe wale/ hijt hem tot noch toe geweygert heeft te doen So es op heden/ getermineert dat de voirs(creven) henrick met den ghelde met zijnd(er) huysvrouwen/ den voirs(creven) janne tvoirs(creven) bosschelken warande(re)n zullen en(de) gelufte(n)/ van warandeerscape doen dat tvoirs(creven) bosschelken leengoed es/ en(de) vanden hee(re) en(de) goidshuyse voirs(creven) te leene gehouden wordt/ Cor(am) ouder(ogghe) burg(imagistro) et aliis de (con)silio m(ar)cii xxii