Item na dien dat jan leemans geheten van arschot in rastamente gedaen hadde/ eenen roden vrouwen tabbairt toebehoiren(de) paeschen nu huysvrouwe jans kerckma(n)s/leemans wesende ten huyse des voirs(creven) jans leemans voe(r) de so(m)me va(n) vii/ rijnsch(en) gulden(en) die zij hem sculdich was ende tvoirs(creven) zijn rastament/ gevolght heeft met der eenre met der ande(re) en(de) met der derder genechten en(de)/ dairaf de conde gedaen zo dat behoirt met janne vander hulst vorste(r)/ en(de) diene(r) ons(es) gened(ichs) h(ere)n aen der voirs(creven) paeschen gelijc de voirs(creven) jan/ leemans dat in rechte gethoent heeft met den vors(creven) vorste(r) de voirs(creven)/ rastamente en(de) de konde also gedaen zijnde So hebben de scepen(en)/ va(n) loeven gewijst dat de vors(creven) leemans zijn schout bij zijnre eed soude/ verifice(re)n dwelck hij gedaen heeft en(de) met zijnre eed die gegroetst/ deughdelike gedragende t(er) so(m)men van vii rijnsch(en) gulden(en) en(de) cost/ en(de) co(m)mer dairop met rechte geloepen Ende zo es voirt gewijst/ dat den voirs(creven) janne leemans den voirs(creven) tabbairt tot zijnre gev(er)ificeerder/ schout behoef volgen sall en(de) dat hij dien dair voe(r) exeque(re)n sall/ Cor(am) roelants roelofs lyeminghen b(er)ghe vos ap(ri)lis vi