Item also als meeste henrick van holsbeke geleidt zijnde tot allen/ den goeden jans wilen van boemale hadde doen bevelen met eenen/ vorste(r) bij consente vander stad janne vander heyden witled(er)make(r)/ zijn hande te lichten vanden voirs(creven) goeden oft dat [hij des] tot eenen/ zeke(re) daghe van rechte op heden mids uutstellene vanden dage/ van rechte dienen(de) quame tegen hem voer meye(r) en(de) scepen(en) int/ recht des hem de voirs(creven) henrick gedroegh tot den vorste(r) Soe/ hebben de scepen(en) van loeven ter manissen tsmeyers ierst gehoirt/ vanden vorste(r) certificacie vanden voirs(creven) zijnen exploite gewijst/ voer een vo(n)niss(en) so verre de voirs(creven) jan niet en quame ter/ opstaene tsmeyers en(de) van hen gelijc hij en dede datmen/ dan den vors(creven) henricken vanden voirs(creven) goeden houden sal in/ zijnen beleide tot zijnre wettig(er) schout behoeff also v(er)re/ alst noch voer hen comen es Cor(am) roelants lye(mingh)[en] berghe/lar vos heykens ap(ri)lis xi