Allen den ghenen (et)c(etera) burg(er)meest(er)s (et)c(etera) saluyt Doen te weten(e) dat/ opden dach van heden voir ons come(n) es in p(ro)pren p(er)sone lijsbeth smeets/ dochter wijlen andries ende heeft gheconstitueert ghesedt en(de) geordineert/ ende met des(en) l(ette)ren (con)stitueert sedt ende ordineert hue(re)n p(ro)cur(eur) ende voirgange(r)/ meest(er) henricke meys canonck der kercken van sinte jacops opde biest te lov(en)/ in allen hue(re)n zaken gheschillen en(de) bederve(n) die sij nu uutstaen(de) heeft oft nae/ maels uutstaen hebben sal moghe(n) in aenlegg(er)s oft verw(er)ders stad hoedanich/ die sijn Ghevende ende verleenen(de) de voirs(creven) constitueerdersse den voirs(creven) meest(er)/ henricke hue(re)n p(ro)cur(eur) volcome(n) macht auctoriteyt ende zunderlinghe beveel/ alle de selve zaken met rechte te verwae(re)n te bescudden te vervolghe(n) ende/ te bedinghe(n) tallen plaetssen ende gherichten ende teghen eene(n)yeghelijken/ dair dat behoeve(n) sal moghen Ende desghelijx om alle der voirs(creven)/ constitueerderssen chijsen rinten pachten lijft(ochten) jairgulden vervallen en(de)/ ande(re) schulden diemen huer nu schuld(ich) es oft naemaels wesen sal/ te mane(n) teysschen opte bue(re)n ende tontfanghen den schulde(re)n van sijne(n)/ ontfanghe quijt te schilden ende quijtan(cie) te gheve(n) Daghe en(de) raspijt/ vanden ande(re)n te gheven dair voe(r) te panden te daghen ende rastame(n)te/ te doen legghen co(m)posicie ende mynlijke yffeni(n)ghe dair te maken scep(enen)/ brieve te vo(n)nissen ende die texeque(re)n ghichten ende guedinghe tontfa(n)ge(n)/ de selve chijse rinten pachten p ende schuld(en) met rechte teysschen ende/ te vervolghen die te wynnen ende te verliesen ghetuyghen ofts behoeft/ te leyden der wederp(ar)tijen ghetuyghe(n) te sien swe(re)n die te batte(re)n te replice(re)n/ te duplice(re)n alsoe wale int p(ri)ncipael als int accessoir alsoe dicwijle en(de)/ menichw(er)ve(n) als des te doen sal sijn ende alle pointen ende artticle(n) van/ rechte dair toe te vorde(re)n die nae recht oft costume vand(er) plaetssen dair dat/ ghebuert behoe(re)n moghen ende den voirs(creven) p(ro)cur(eur) orberlick duncken sal Ende/ voirtain g(e)n(er)alick ende sp(eci)alick allet ghene dair inne te doene en(de) te/ vorde(re)n dat de voirs(creven) lijsbeth selve soude(n) moge(n) doen waert dat sij/ ald(air) p(rese)nt en(de) voir oeghen wae(r) Cu(m) (com)putacione et revocatio(n)e cor(am) ouder(ogghe)/ burg(imagistr)[o] vos heykens scab(inis) april(is) xxi