Cond zij allen lieden dat arnd de wolf in teg(enwordicheyt) (et)c(etera) heeft genomen/ en(de) bekindt genomen te hebben van joff(rouwen) lijsbetten weduwe jacobs/ wilen blanckairt thof der selver joff(rouwen) lijsbetten geheten thof/ te zilverberghe te kyesekem gelegen met den lande d(air)toe/ behoiren(de) en(de) met den beemden omtrint den hove gelegen en(de)/ met den beemde van montbroeck Te houden te hebben en(de)/ te wynnen en(de) te gebruycken van halfmeye naistcomen(de) eenen/ t(er)mijn van tweelf jairen langh deen na dander zonder middel/ volgen(de) Elcx jairs dae(re)nbynnen te weten de vors(creven) wynnen(de)/ lande voe(r) en(de) om de helicht vanden vruchten jairlicx d(air)op wassen(de)/ en(de) de vors(creven) beemde voer en(de) om twintich licht gulden(en) te x stuv(er)s/ tstuck half tons(er) liever vrouwen liechtmisse en(de) half te/ meye te betalen der vors(creven) joff(rouwe) lijsbetten alle jaire den vors(creven)/ t(er)mijn due(re)nde en(de) telken t(er)mijne alse vervolghde schout Ende/ es vorwerde dat de voirs(creven) wyn de voirs(creven) lande wel en(de) loflic/ wynnen en(de) besayen sal te weten den wynteraert op iiii getidege/ voren de gherste en(de) havernele op drie getideghe voren ende/ die evene op ii getidege voren en(de) tst [dlant] eggen alsoet behoirt/ en(de) all ten behoirliken tijde It(em) sal de voirs(creven) joff(rouwe) de drie ierste/ jairen vanden vors(creven) t(er)mijne jairlicx coopen [stroe] om vier licht gulden(en)/ dwelc de vors(creven) wyn dair zij dat coopt halen sal Ende/ alsmen tcoren picken sal dan saelt de wyn der joff(ouwe) laten weten/ en(de) heure halen op dat zij dair zijn wilt en(de) heure weder/ thuys vue(re)n alst gedaen es Ende de wyn sal der joff(rouwen) deel/ ierst inne vue(re)n van elcken stucke en(de) alsmen tcoren indoen/ sal dan sal de joff(rouwe) dair eenen zeynden om de bande te/ slaen en(de) dien sal de wynne den montcost gheven It(em) sal/ de vors(creven) joff(rouwe) heur helicht doen dersschen en(de) alsmen die/ derscht dan sal de wyn den derssche(r) den montcost gheven/ mair des sal de wyn hebben dat achtienste vat vanden/ greyne Ende als een voeder gedersschen es dan saelt de/ wyn vue(re)n ter stont vue(re)n te loeven te diest oft tarschot/ It(em) selen de vors(creven) joff(rouwe) en(de) de wyn alle dooft jairlicx int/ vors(creven) hof wassende deylen half en(de) half uutgescheiden/ dooft van eenen bloemairde vanden die zij kyesen sal van/ twee bloemairden ald(air) staen(de) welck ooft voirs(creven) de voirs(creven)/ wyn [all] ter erden leve(re)n sal op zijnen cost en(de) also in tijds/ dat tselve ooft noch die boome niet en bederven It(em) sal
//
de wyn der voirs(creven) joff(rouwen) heur vyssche te loeven leve(re)n en(de) hij sal/ jairlicx int vors(creven) hof leve(re)n ii[c] walme(re) also men se ov(er) de gheete/ maict om de huysinghe aldair mede te deckene en(de) alsmen/ die aldair verdect oft anders van ouden wercke yet maict/ dan sal de wyn den wercklieden den mondcost gheven en(de)/ de joff(ouwe) de dachueren En(de) all desmen int vors(creven) hof van/ aen doude werck behoeft te verwerckene dat zal de wyn/ halen int hof en(de) de joff(rouwe) saelt betalen It(em) sal de vors(creven) wyn/ de huysinghe vanden vors(creven) hove houden op zijnen cost vander/ und(er)ster rikelen nederwairt En(de) de wyn sal alle jaire hebbe(n)/ ii[c] mutsairts mair des sal hij der vors(creven) joff(rouwe) gheven jairlicx/ te paeschen twee grote kaese den vors(creven) t(er)mijn due(re)nde It(em)/ sal de vors(creven) wyn der vors(creven) joff(rouwe) alle jaire den vors(creven) t(er)mijn/ due(re)nde vier daghe dienen met zijnen wagene en(de) p(er)den en(de)/ dan sal hij zijnen montcost hebben en(de) zijn p(er)de coren en(de) hoey/ It(em) sal de vors(creven) wyn de vors(creven) lande [jairlicx] wel en(de) loflic bevreden/ also dat aende vruchten gheen schade en geschiede en(de) die/ tsijnen afscheiden bevreedt laten also hij die vynden sal/ tsijnen aencomen It(em) als de vors(creven) joff(rouwe) oft die heure/ int vors(creven) hof comen met p(er)den dan sal de wyn den p(er)den hoey/ gheven Ende de wyn sal int vors(creven) hof den vors(creven) t(er)mijn due(re)nde/ houden drie vie(re)ndeel scape ende betalen jairlicx int/ afslaghe vanden vors(creven) ghelde allen [den] tsijs uut der vors(creven) goede(n)/ gaende also in tijds dat der vors(creven) joff(rouwe) [gheen schade] dair bij en geschiede/ welke schade oft d(air) e(n)nighe op ghinghe de vors(creven) wyn betale(n)/ soude It(em) als de vors(creven) joff(rouwe) int vors(creven) hof compt dan salmen/ heure gerief doen van waschene ende schue(re)ne en(de) heure halen heur/ eten ende drincken des zij behoeven sal Ende de vors(creven) joff(rouwe)/ sal int vors(creven) hof hebben een came(re) onder oft boven aen de coekene/ En(de) des sal de vors(creven) wyn hebben te twee jairen eens vier ellen/ lakens tot eenen tabbairde d(air) hij de palluere op setten zall/ It(em) de joff(rouwe) sal den wynne leenen drie jair lang drie coe/ en(de) die sal hij laten also goet alsmense hem leve(re)n sal altijt kelinch?/ It(em) zal zij hem noch leenen viii gulden(en) en(de) twee mudde rogs/ welke viii gulden(en) hij heure betalen sal bynnen den iersten/ zess jairen tsijnen schoensten en(de) de vors(creven) twee mudde/ rogs sal hij betalen te weten deen d(air)af van kersmisse naistcom(ende)
//
over een jair ende dander mudde te kersmisse dair nae It(em) sal/ de voirs(creven) wyn der voirs(creven) joff(rouwen) theurer manissen behoirlic in/ handen setten in vesticheiden en(de) voldoeninghen d(er) voirscr(even)/ pechtinghen alle zijn haeflike goede hoedanich die zijn en(de)/ zo wairmen die bevinden sal moegen Ende alle dese/ vorwerden (et)c(etera) Cor(am) roelants heykens aprilis xxiiii