Item vanden gedinghe dat geweest es inde banck voer meye(r) en(de)/ scepen(en) van loeven tusschen janne le saige aenlegge(r) ter eenre/ en(de) janne massauz de beaulrieu geheten le febure v(er)weerde(r)/ ter ande(r) zijden alse van diversen geluften die hem de/ vors(creven) massauz gedaen hadde voer scepen(en) van bierbaix [na inhouden va(n) zeke(re) cirog(ra)phe] aengaen(de)/ drie dachmail lands gelegen te bierbaix opt velt va(n) gelouries?/ naist den goeden der erfgenamen naist den goeden d(er) erfgename(n)/ goessens del plairchez en(de) der erfgenamen [erve] stevens delle/ mosenie(re)? die de vors(creven) jan de saige gecocht hadde tegen den/ voirs(creven) janne massauz en(de) d(air)af van hem guedinge ontfangen/ voer scepen(en) van bierbaix d(air) inne dat de selve saige gebreck/ bevand mids datmen bevand dat die leen waren gehouden/ vanden h(er)scape van bierbaix en(de) also hem uut der hand ontogen/ waren dwelc hij p(rese)nteerde te thoenen (et)c(etera) dwelc hem de/ vors(creven) massauz ontkinde Es gewijst thoenisse gehoirt/ zijnde bijden h(ere)n scepen(en) van loeven t(er) maniss(en) tsmeyers/ dat de verweerde(r) dinhoudt vanden cyrographe sculdich/ zal zijn te voldoene en(de) dair mede gestaen Cor(am) o(mn)ib(us)/ scabinis in scampno dempto langr(ode) aprilis penultima hier na volght de copie vanden chyrogram