Cont zij allen lieden dat jan lesens sone wilen jacops in/ yegenwordicheiden der scepen(en) van loven(en) gestaen heeft/ uutgegeven en(de) bekint dat hij uutgegeven heeft voir/ hem zijnen erven en(de) nacomelingen cornielie sconinx/ dochter hugens wilen de coninc van berghen opden/ zoem en(de) hue(re)n nacomelinghen een huys alsoet gelegen/ is inde borchstrate buyten der bynne porten tusschen/ tusschen thuys dat peter van voshem kousmake(r) teghen/ den voirs(creven) janne lesens vercregen heeft nu toebehoe(re)nde/ henricke vanden wolputte smet op deen zijde ter borch/ weert en(de) den goeden des voirs(creven) jans lesens op dande(r)/ streckende achterweert met eender schaelgien totten achterste(n)/ huyse des voirs(creven) jans lanc zijnde omtrent negenthien/ voete en(de) op deen eynde ter borch wert vijf voete en(de)/ drie duyme breet en(de) op dander eynde ter viscmerct/ wert thien voete luttel myn oft meer [breet] begynnen(de) mette(n)/ eynde ter borch wert opden hoec vanden stile vand(er) gelasend(er)/ came(re)n des voirs(creven) jans dweers totten tegen tcruyse/ ald(air) inder muer staen(de) en(de) also vort gaen(de) totten ande(re)n/ stile omtrent xix voete v(er)re gelic vors(creven) steet totten/ ande(re)n stile vanden huyse des vors(creven) jans en(de) eenen/ teeken(en) gemaect staen(de) inden vors(creven) muer dweers over/ welcke schaelgie de voirs(creven) cornielie op beide deynden/ gehouden sal zijn toe te doen vermaken met gestijpten/ van hoeghden dat den understen dorppel vand(en) cruys/ vynste(re)n ald(air) [vanden vors(creven) huyse] vors(creven) cornielie leeght op eene(n) duym na/ tot hue(re)n coste en(de) die vort te houden in goeder rep(ar)acien/ tot eeuwegen daghen met vorweerden dat de osie/ druppen alle wate(r) vanden watersteenen uutgenomen/ onreyn water als uryne en(de) weygel comen(de) van ende/ uuten huysen des vors(creven) peters van voshem en(de) henrix/ vanden wolputte en(de) der vors(creven) cornielien sconinx sijnen/ loep en(de) uutganc hebben sal over ende des derve vors(creven)/ d(er) vors(creven) cornielie en(de) also vort over en(de) dor derve des/ vors(creven) jans lesens ter straten uut alsoe dat nu dair
//
loept tot eeuwegen daghen sonder yemant(s) wederseggen/ Vort is vorweerde dat de vors(creven) jan lesens tsijnen coste/ sal doen beheymen en(de) toemaken terstont de schaelgie/ vors(creven) [ter sijnen erve weert] met eenen muere oft wande opt fondement/ vanden muere die d(air) nu staet op derve des vors(creven) jans/ behalven dat hij die vynste(re)n oft hij dair e(n)nige dade/ make(n) dwelc hij doen mach sal moeten doen stellen uut(er)/ eerden ter schaelgie [wert] vors(creven) sesse voete hoghe mett(er)/ underster platen Erflic te houden en(de) te besetten/ op eenen penninc borsghelts ten gewoenliken tijde te bet(alen)/ Ende vortaen op vijf gulden(en) cronen d(er) mu(n)ten sconinx/ van vrancrijke goet en(de) ghinge te weten(e) vijfen(de)twintich/ selve(re) pe(n)ningen [geheten stuvers] d(er) mu(n)ten ons gened(ichs) he(re)n tsh(er)togen van/ burgon(dien) en(de) van brabant goet en(de) ghinge voir elcke crone/ gerekent erflijc jairlix opden twintichsten dach van julio/ te betalen den vors(creven) janne lesens en(de) sijnen nacomelinge(n)/ tot eeuwegen daghen Ende oft d(er) vors(creven) cornielie/ sconinx in tghene des voirs(creven) is yet te nauwe gesciet/ wae(re) dat heeft de vors(creven) jan lesens hair tot haer(er)/ manessen gelooft te voldoene en(de) de vors(creven) goeden opden/ pe(n)ninc borsghelts voirs(creven) en(de) op alsulken last dat de/ selve goede met gaders des goede des vors(creven) jans [hier na bescreven]/lesens Te weten(e) thuys metten dorgange en(de) dachterste(n)/ jans lesens gelegen tusschen tvor(creven) huys d(er) vors(creven)/ cornielie op deen zijde den goeden comen(de) achterwert/ metten huyse en(de) hove [des selfs jans] tusschen de goede pet(eren)/ van voshem voirs(creven) en(de) de schue(re) [en(de) goede] des cloesters van/ sinte gertruden op dander drie sijden [ter straten wert uutgaen(de)?] Item de/ twee huyse met allen hue(re)n toebehoerten gelegen aldair/ neve(n) den goeden andries moens op deen zijde en(de) thuys/ voirs(creven) d(er) vors(creven) cornielie op dande(r) d(air) af deen besit pet(er)/ van voshem en(de) dand(er) henric vand(en) wolputte Mede/ onderpant zijn voir den erf chijs hier na bescreven/ te weten(e) inden yersten voir aen tcloester vand(er) came(re)n/ bij bruessel veerthien oude groote Item aende capelle/ van ons(er) liev(er) vruwen capelle inde hoolstrate drie oude/ groote en(de) een pont pay(ment) Item aen tcloest(er) vanden/ witte vruwen bynnen loven(en) drie pont paymens
//
Item aen vrancken willem(me) twee ryns guld(en) en(de) vier/ cronen erflic Item aende weduwe jans wilen switten/ en(de) hue(re)n kynde(re)n eenen r(ins) guld(en) en(de) drie cronen/ erflic en(de) aen tcloester van sinte g(er)truden te loven(en)/ eenen r(ins) guld(en) erflic Te wetene voir elc d(er) vors(creven)/ r(ins) guld(en) xx st(uvers) en(de) voir elc crone xxv st(uvers) gerekent/ Alse voir alle calaingie dair van voir uutgaende te/ wae(re)nde(re)n also dat der vors(creven) cornelie en(de) hue(re)n nacome/ lingen vast en(de) seker sal mogen wesen welcke/ chijse vors(creven) de vors(creven) twee huyse die de vors(creven) pet(er)/ van voshem gecregen heeft tegen den vors(creven) janne de/ vors(creven) goede des vors(creven) [jans en(de)] cornelien sculdich [sullen te ghelden te dragen en(de) te betalen tot eeuwegen dagen] zijn schadeloes te houden en(de) tontheffen gelic de scepen(en) brieve van loven(en)/ vand(en) daet vii dage in julio lestleden uutwisen/ en(de) begrijpen van welcken chijsen oic de vors(creven) jan/ lesens der vors(creven) cornielie en(de) hue(re) goede vors(creven) gelooft/ heeft oft zij oft hue(re) pande d(air) vor gepraempt wordd(en)/ costeloes tontheffen En(de) in meerder vesticheit van/ dien heeft de vors(creven) jan lesens met consente tshe(re)n/ vanden gronde in tytle van wettigen ond(er)pande v(er)oblig(er)t/ en(de) tonderpande gesedt thuys aende strate metten/ dorgange svors(creven) [en(de)] metten achtersten huyse en(de) hove en(de)/ allen zijnen toebehoirten dair hij nu inne woent/ van welcken onderpande de vors(creven) jan lesens gelooft/ heeft d(en) vors(creven) cornielie genoech te doen wair hij ergerens/ te nauwe gedaen hadde also dat d(er) selver cornelie tot/ eeuwegen dagen vast en(de) seker sal mogen wesen Geloven(de)/ de vors(creven) cornielie sconinx vanden vors(creven) vijf cronen erflic/ afte quiten tusschen dit en(de) bynnen d(er) octaven van/ ons(er) liever vruwen lichtmesse naestcomen(de) eene/ crone en(de) bynne(n) eene(n) jare d(air) na noch eene/ crone En(de) dand(er) drie cronen mach de voirscr(even)/ cornielie afquiten wanneer hair dat gelieven sal/ tot eenen te twee oft drie malen mair niet myn/ smaets dan eene crone d(air) af en(de) elc crone met achthie(n)/ cronen te xxv st(uvers) tstuc ac cu(m) roelants roelofs julii xx