Item symoen vanden gasthuyse ende jan vanden gasthuyse zijn sone/ in p(rese)ncia (et)c(etera) hebben genomen en(de) bekindt genomen te hebben van/ h(ere)n janne brand prieste(r) alle de goede toebehoiren(de) der capelrien/ vanden outaire van s(in)ter claes inder kercken van bossuut tot/ bossuut en(de) dair omtrint gelegen Te houden te hebben ende te/ wynnen van paeschen naistcomen(de) eenen t(er)mijn va(n) xii jairen/ langh eenp(ar)lic v(er)volgende Elcx jairs dae(re)nbynnen voe(r) en(de) om/ vi(½) peters te xviii stuv(er)s tstuck te paeschen te betalen den/ voirs(creven) h(ere)n janne jairlicx den vors(creven) t(er)mijn due(re)nde (et)c(etera) quo(li)[b(et)] ass(ecutu)[m]/ Ende es vorwerde dat de voirs(creven) wynnen betalen selen jairlicx/ den co(m)mer uut den voirs(creven) goeden gaende en(de) de vors(creven) capelrie/ doen bedienen also dat behoirt en(de) d(air)toe leve(re)n broot liecht en(de)/ wijn all op heuren cost en(de) last en(de) zonder afslach vanden/ vors(creven) ghelde bij also dat zij selen ongehouden zijn va(n) e(n)nige(n)/ placet te betalen It(em) zelen de voirs(creven) wynnen de voirs(creven) goede/ den vors(creven) t(er)mijn due(re)nde wel en(de) loflic wynnen en(de) werven en(de)/ die laten bloot also zij die vynden selen roela(n)ts vos maii xxix