It(em) gielijs van duffle alse momboir joffr(ouwen) katlijnen roelofs zijnre huysvrouwe(n)/ hughe roelofs brueder d(er) voirs(creven) joffr(ouwen) katlijne(n) dicens se habe(re) etate(m) xxx/ a(n)nor(um) et ultra ende jan van berthem zone wijlen roelofs hebben gekint/ ende ghelijt dat sij van raese vander lynden hueren oem goede wettighe/ rekeninghe bewijs ende ghenoechdoen ghehadt ende ontfanghen hebben van/ allen den v(er)loepen(en) pachten die verloepen sijn tot des(en) daghe toe van/ alsulken vier rinssche gulden(en) erflijker renten alse joffr(ouwe) katlijne wijlen/ vander lynden dochter jans wijlen vander lynden als sij leefde wettighe/ medeghesellynne roelofs wijlen van berthem vaders svoirs(creven) jans/ anderwijle vercreghen heeft aen ende op de stad van loven(e) jairlijx/ vallen(de) half xv daghe in sporkille ende halff xv daghe in augusto/ dair af de voirs(creven) raes eene wijle tijts dbewyndt en(de) tregement gehadt/ heeft Bekennen(de) voirts de voirs(creven) p(er)soene(n) dat sij den originalen brief/ der voirs(creven) renten uut handen des voirs(creven) raes ontfanghen ende te henw(er)ts/ ghenome(n) hebben den den raese van des voirs(creven) es volcomelijck/ quijteren(de) P(ro)mitten(tes) nullat(enu)s alloqui Ende h(ier) af teghen eenenyegelijke(n)/ inne te stane ende gherecht warant te zijne cor(am) vos heykens junii ii