Item alsoe als ten vervolghe jans van dormale die/ alse p(ro)cureur marien weduwe willems wijlen droddeal/ geleidt es nae den rechte der stad van loeven met/ scepen(en) brieve(n) van loven(e) spreken(de) van viii(½) mudden rogs/ staende ten live der voirs(creven) marien pacht ende mate van/ chamont tot allen den goeden have ende erve lambeerts/ wilen doupey ghescreven es vander stad weghen van/ loven(e) aenden meye(r) van lyebersart oft sijnen stedehoude(r)/ hem de voirs(creven) goede te leve(re)n ende oft de weduwe/ des voirs(creven) wijlen lambeerts en(de) huer kynde(re) oft yeman/ and(er)s daer teghen iet segghe(n) oft allege(re)n wilden/ dat sij des tot eene(n) zeke(re)n daghe van rechte mits/ uutsette ende verstrijkene van ghenechten op heden/ dyenen(de) alhier quamen voer meye(r) en(de) scepen(en)/ int recht (et)c(etera) Ende de voirs(creven) weduwe noch/ huer kinde(re) alhier te rechte op heden niet comen/ en sijn den voirs(creven) janne alhier comen(de) en(de) trecht/ versueken(de) thoenen(de) met den bode vander stad/ dexecucie vanden voirs(creven) versueke gedaen te wesen/ bij den voirs(creven) meye(r) Soe hebben de scepen(en) van/ loeven(e) ter manisss(en) smeyers ghewijst voer een/ vo(n)nisse soe verre svoirs(creven) geleidden wed(er)p(ar)tie niet/ en quame ten opstane smeyers ende van hen dat/ men hem dan houde(n) soude vanden voirs(creven) goeden/ in sijnen beleide tot zijnre wettiger schult behoef/ zoe verre het noch voer hen comen es/ Cor(am) roelants roelofs lyemi(n)ghe(n) vos heyke(n)s junii x