Item vranck couhoven in p(rese)ncien der scepen(en) van loeven gestaen heeft gekind/ en(de) gelijd al eest alsoe dat hij met paeschen zijnre ierster huysvrouwen/ in vollen stoele zittende in huweliker vorwerden ov(er)gegeven heeft/ alle zijn goede vrancken couhoven zijnen natuerliken zone met yden/ smeets zijnen wive op zeke(re) vorwerden ende condicien ind(er) selv(er)/ huweliker vorwerden begrepen en(de) dair nae de selve vrancke de jonghe/ met yden zijnen wive ter eenre en(de) de vors(creven) vranck de vader t(er) ande(r)/ zijden van desen zek(ere)n vorwerden met malcande(re)n ov(er)comen zijn en(de)/ onder den ande(re)n dat de vors(creven) vranck de jonghe den vors(creven) zijnen vad(er)/ jairlicx gheven soude vanden goeden te libbeke gelegen drie mudde/ rogs also langhe als hij leven soude voer alsulken acht mudden rogs/ lijftochten alse de selve vranck de jonghe na inhouden der huwelik(er)/ vorwerden vanden selven goeden te libbeke den selven zijnen vader/ sculdich was en(de) des soude de selve vranck de vader ongehouden/ zijn van alsulken vi mudden corens lijftochten als hij zijnen voirs(creven) sone/ en(de) zijnen wive in huwelik(er) vorwerden gelooft hadde te copen tot heurer/ beider live Behoudelic den vors(creven) vader tvie(re)ndeel vanden oofte jairlicx/ opde goede van libbeke wassende also langhe als hij leven soude/ en(de) soude oic de selve vader ongehouden zijn vanden eycken ende/ opgaenden houte als hij vanden goeden van libbeke afgehouwen hadde/ niet wederstaende der ghiften vanden huwelike die hij te voe(re)n gedaen/ hadde en(de) oic ongehouden zijn vanden pe(n)ninghen die den sone in/ zijnre brulocht gegeven waren en(de) die hij tot den p(ro)fijte desselfs/ zijns soons bekeert soude hebben Waren oic overcomen vanden/ huyse int kynnebacstreetken gelegen dat vranck de vader de helicht/ vanden selven huyse soude moegen bewoenen en(de) dat de vader en(de)/ de sone die goede houden souden in goeden state en(de) rep(ar)acien te/ geliken coste gelijc de vorwerden dair op gemaict ix dage in m(er)te/ a(n)no lxxii dat voird(er) inhouden en(de) begripen So heeft de selve/ vrancke de vader de(r) vors(creven) vorwerden ende geluften niet tegenstaende/ den vors(creven) vrancken zijnen huyse sone en(de) yden smeets zijnen wive/ vanden selven vorwerden en(de) toeseggene voirgeruert [geheelic en(de)] all gequiteert/ en(de) geabsolveert ende voirt geconsenteert en(de) ov(er)gegeven dat/ de selve vrancke zijn sone en(de) zijn huysvrouwe alle de selve goede/ met gaders den [vors(creven)] huyse ende hove gelegen int voirs(creven) kynnebacstreetken/ buyten der bynnen poirten vander dorpstraten achter de goede lodewijcx/ roelants scepen(e) der stad van loeven int kynnebacstreetken vors(creven) tuschen/ de goede h(ere)n jans pamairt priest(er)s et bo(na) godefridi quond(am) vander moelen
//
en(de) de goede goirds wilen vander moelen en(de) (½) dach(mael) ende xx roeden wij(n)g(ar)ts/ gelegen te testelt ter stont aenveerden en(de) possesse(re)n en(de) possesserende/ bliven sullen als heur p(ro)per goede zonder den vors(creven) vrancken den vad(er)/ dairaf e(n)nigen pacht oft co(m)mer te geven of te betalen in e(n)nig(er) manie(re)n/ op sulk vorwerden ende condicien dat de selve vranck de sone en(de)/ yde smeets zijn wijf dair voe(r) den vors(creven) vrancken den vader houden/ selen van etene van drinckene van liggene van zittene van clee(re)n/ en(de) schoen en(de) ande(re)n zijnen behoeften wel en(de) temelic na zijnen staet/ op heuren cost Dwelc de selve vranc de sone en(de) yde zijn wijf/ hem also toegeseeght hebben en(de) gelooft te doene en(de) also dat elze/ van deurne nu huysvrouwe des voirs(creven) vrancx vanden selven va/ vrancken heuren man van dien houdene gheenen last hebben en sall/ Cor(am) roelants vos junii xiiii