Allen den ghenen (et)c(etera) doen te weten dat roelof uuten lyeminghen/ soen wilen claes heeft geconstitueert gestelt en(de) geordineert/ en(de) met des(en) l(ette)ren constitueert stelt ende ordineert zijne p(ro)cur(eur)s/ en(de) voergang(er)s henricken steenbeecx zijnen zweer woenen(de) te/ moelenbeke en(de) henricken lambrechts woenen(de) te breyeshem in/ allen zijnen saken geschillen en(de) bederven die hij nu uutstaende/ heeft of namails hebben sal moegen in aenlegg(er)s of verweerd(er)s/ stad hoedanich die zijn Geven(de) ende verleenen(de) de vors(creven) p(ro)cur(eur) den constitueerder den vors(creven) zijnen p(ro)cur(eur)s en(de) elken bizund(er) thoenre/ des(er) volcomen macht auctoriteit en(de) zund(er)linghe beveel alle de/ selve saken met rechte te verwaren te beschudden te v(er)volgen/ en(de) te bedinghen tallen plaetsen en(de) voir alle gerichten ende/ tegen eenenyegeliken dair des behoeven en(de) te doen sal wesen/ Ende desgelijcx om alle des vors(creven) constitueerd(er)s tsijze rinten/ pachten en(de) ande(re) sculden diemen hem nu sculdich es of namails/ wesen sal te manen teyschen op te boe(re)n ende tontfanghen/ den sculde(re)n van heuren ontfanghe quijt te schelden en(de) quitan(cie)/ te gheven daghe en(de) respijt te verleenen vanden ande(re)n d(air) voe(r)/ te panden te daghen en(de) rastamente te doen leggen composicie/ en(de) mynlike yffeninghe d(air)af te maken scepen(en) brieve te vo(n)niss(en) en(de)/ die texeque(re)n De selve tsijze rinten pachten en(de) schulden met/ rechte teysschen en(de) te vervolghen die te wynnen en(de) te verliesen/ getuygen ofts behoeft te leyden der wed(er)p(ar)tien getuygen te sien/ zweren die te batte(re)n te replice(re)n te duplice(re)n also wail int/ p(ri)ncipael als int accessoir also dicwile en(de) menichwerven als/ des te doen zijn sal En(de) alle poenten (et)c(etera) En(de) voirts alle/ tghene (et)c(etera) Geloven(de) vast cu(m) comput(atione) (et) revoc(acione) Cor(am)/ ouder(ogghe) burg(imagistro) roelants roelofs junii xix