P(ro)cur(eur) ende voergange(r) janne ghisels bringhe(r) van des(en) om alle alsulke(n)/ tsijzen rinten pachten en(de) schulden hoedanich die zijn moegen die alse/ den voirs(creven) constitueerde(r) gevallen en(de) verschenen zijn tot eermbeghe(m)/ en(de) dair omtrint onder den bailliu van aelst gelegen Te manen/ teyschen op te boe(re)n en(de) tontfanghen den sculde(re)n van zinen ontfa(n)ge/ quijt te schelden en(de) quitancie te gheven Dair voe(r) te panden te dagen/ en(de) rastamente te doen leggen composicie en(de) mynlike yffeninge/ d(air)af te maken En(de) oic de selve gevallen tsijze rinten pachten/ en(de) schulden met rechte te vervolgen en(de) te bedinghen na recht en(de)/ costume vander plaetsen voirs(creven) en(de) alle poenten en(de) articulen van/ rechte dair toe te vorde(re)n die na recht of costume vander selv(en)/ plaetsen behoeven moegen en(de) den voirs(creven) p(ro)cureur orb(er)lic duncken/ selen En(de) voirts alle tghene (et)c(etera) p(ro)mitt(ens) rat(um) cu(m) comput(atione)/ et revoc(atione) eisd(em)