Allen den ghenen (et)c(etera) dat anthonijs van doerne zone wijlen jans/ ende heeft gheconstitueert gestelt ende geordineert ende met des(en) l(ette)ren/ constitueert stelt ende ordineert sijne(n) p(ro)cur(eur) ende voirganghe(r) woute(re)n/ cop(er)smet zone wijlen jans wonen(de) op vredebosch inde p(ro)chie va(n) ev(er)sb(er)ghe/ in allen sijne(n) zaken geschillen ende bedrive(n) die hij nu uutstaen(de) heeft/ oft naemaels hebben sal in aenlegg(er)s oft verweerd(er)s stad hoedanich die/ sijn ghevende ende verleenen(de) de voirs(creven) constitueerder den voirs(creven) sijnen/ p(ro)cur(eur) volcome(n) macht auctoriteyt ende sunderlinghe beveel alle de selve/ saken met rechte te verwaren te bescudde(n) te vervolghen ende te bedinghen/ tallen plaetssen ende gherichte(n) ende teghen eene(n)yeghelijken dair dat/ behoeve(n) sal moghen Ende desgelijcx om alle des voirs(creven) constitueerd(er)s/ tsijze rinte(n) pachte(n) ende ande(re) schulde(n) deme(n) hem nu schuld(ich) es oft namaels/ wesen sal te winxele ende dair omtrint ende elswair aen wat p(er)soene(n)/ oft goede(n) oft te wat plaetssen dattet zij Te maene(n) teysschen op te buere(n)/ ende tontfanghen den schulde(re)n van des hij ontfanghe(n) sal quijt te/ schilden ende quitan(cie) te gheve(n) daghe ende raspijt vanden reste te gheve(n)/ bij lee(re)n oft and(er)ssins soe dat behoe(re)n sal Dair voe(r) te panden(e) te daghen(e) en(de)/ rastamente te doen leggen compositie en(de) mynlijke yffenisse dair af te maken(e)/ scepen(en) brieve(n) te vo(n)nissen en(de) senten(cie) teysschen(e) die selve chijse rinten pachte(n)/ en(de) schuld(en) met rechte teysschen en(de) te vervolghen die te wynne(n) en(de) te v(er)liesen/ tallen plaetssen ende voir alle gherichten dair dat behoeve(n) ende te doen sal/ wesen en(de) alle pointe(n) ende ar(ticu)[le(n)] van rechte (et)c(etera) Ende voorts allet ghene p(ro)mit(tens)/ rat(um) cu(m) revoca(t)io(n)e cor(am) ouderogghe burg(imagistr)[o] roelofs vos scab(inis) sept(embris) xxvi