Cond zij alle(n) lieden dat h(er) raes va(n) gheete canonc ind(en)/ kercke(n) va(n) sinte lambrechts te ludick en(de) scolast(er) d(er) kerken/ va(n) sinte berthelmeeus ald(air) in p(rese)ncien d(er) scepen(en) van loven(en)/ gestae(n) heeft uutgegeve(n) en(de) bekind dat hij uutgegeve(n) heeft/ ja(n)nesse goedertoys wonen(de) te loven(en) sijn thiende der voirs(creven)/ scolasterie(n) toebehoe(re)nde gelege(n) inde(n) dorpe va(n) houthev(er)le en(de)/ d(air) omtre(n)t met allen der selv(en) thienden rechte(n) en(de) toebehoirte(n)/ gelijc en(de) in alle d(er) manie(re)n joes buyssack met sine(n) medeplege(re)n/ die ald(air) gehoude(n) heeft en(de) alnoch tot sint jansmisse naestcomen(de)/ houden(de) is Te houden en(de) te hebbe(n) vande(n) vorsc(reven) sint jansmisse/ naestcomen(de) eene(n) t(er)mijn va(n) sesse jare(n) lang due(re)nde deen nae/ dand(er) sond(er) middel volgen(de) elx jaers dae(re)n bi(n)ne(n) va(n) en(de)/ o(m)me xxviii rinsch guld(en) elke(n) rins gul(den) voir xx stu(ver)s s/ gereke(n)t alle jare sint jansdaghe bap(tis)[te(n)] te betale(n) den vors(creven) h(er)/ rase jairlix den vors(creven) t(er)mijn due(re)nde en(de) telke(n) t(er)mijne als ver/ volghde schout D(air) af den ierste(n) t(er)mijn sijn sal va(n) sint jansmisse/ vors(creven) over een jair en(de) niet eer Beki(n)ne(n)de hem de vors(creven)/ h(er) raes vanden vors(creven) viere ierste(n) jare(n) tot op xii rins guld(en)/ nae volcomelic genoech gesciet sijnde welke xii rins gul(den)/ de vors(creven) ja(n)nes goed(er)toys ten ynde vande(n) vierden t(er)mijn [selve(n) viere iersten jare(n)]/ gelooft heeft uut te reike(n) en(de) den vors(creven) h(ere)n rase te betale(n)/ als v(er)volghde schout [van] welke(n) vurwerde(n) en(de) (con)dicie(n) vors(creven) hebbe(n)/ gelooft de vors(creven) h(er) raes en(de) ja(n)nes a(m)bo r(e)nu(n)cian(tes) (et)c(etera) malca(n)de(re)n/ te voldoene q(u)[o](libet) ass(ecutu)[m] Ende om den voirs(creven) jannese goederthoys/ vanden pe(n)ninghen te besorghen die hij den voirs(creven) h(ere)n raese opte betalinge/ vanden voirs(creven) vier iersten termijnen der voirs(creven) pechtinghen betailt heeft/ gedragen(de) ter so(m)men van hondert rijnsch(en) gulden(en) te xx stuv(er)s tstuc/ So es borghe des voirs(creven) h(ere)n raes als principael sculde(r) h(er) jacob he(r)/ tot ghette (et)c(etera) ridder zijn brueder om den voirs(creven) jannese goed(er)toys
//
dairaf te voldoene also verre de voirg(enoemde) h(er) raes bynnen den voirs(creven) vier/ iersten termijnen aflivich wordde ende mids dien de selve vier/ termijne den selve janne goed(er)toys peislic opde vorwerden vors(creven)/ niet volghen en mochten Behoudelic dat alsdan den selven/ h(er) jacoppen te baten en(de) ten afslaghe comen sullen de termijne/ vander pechtinghen die den vors(creven) janne gevolght zijn sullen/ elcx jairs dae(re)nbynnen xxviii rijnsch(en) gulden(en) zonder fraude/ en(de) argelist Ende h(ier)af heeft gelooft de vors(creven) h(er) raes den/ vors(creven) h(ere)n jacoppen zijnen brued(er) scadeloes tontheffen cor(am) langr(ode)/ heyk(ens) oct(obris) vi