Item joes vander heyden woenen(de) te werchte(r) in teg(enwoirdicheit) der scepen(en) van lov(en) gestaen/ heeft gekindt en(de) gelijt inden name en(de) tot behoef lijsbetten vander heyden/ zijnre dochter tyerst uut zijnen brode behoirlic gedaen zijnde alse/ vanden haefliken goeden en(de) vliegen(de) erve hier na bescr(even) Inden iersten/ van eenen bedde x vierdel groot met zijnen poluwe vijftich ellen linen/ lakens oft dair omtrint eenen groenen tabbairt ii zwerte tabbairde en(de)/ elcke(n) met zijnen voede(r) eenen pels eenen groenen coers een(en) blauwen/ coers en(de) elken met zijnen voede(r) een zwerte hoyke en(de) eenen cappruyn/ Al eest alsoe dat de voirs(creven) lijsbeth zijn dochter de voirs(creven) goede inden/ broode zijnde vanden selven joese heuren vader gecocht en(de) gecregen/ mach hebben en(de) alsoe den selven heuren vader inde selve goede recht/ actie ende interest geboert ende toebehoirt So heeft nochtan de/ selve joes de vader alle trecht actie en(de) interest hem inde selve goede/ geboiren(de) oft toebehoiren(de) volcomelic en(de) all tot behoef der voirs(creven)/ zijnre dochter met gaders van allen ande(re)n goeden ende hueringhen/ die zij met heuren pijn en(de) arbeide verdiendt sal heeft en(de) die zij/ inden brode vanden selven heuren vader vercrigen en(de) verdienen/ sal moegen volcomelic en(de) all tot behoef der voirs(creven) zijnre dochter/ gequiteert en(de) [des] afgegaen en(de) met desen brieve quiteert en(de) afgaet/ hem inde selve goede en(de) toecomen(de) hueringhen gheen recht kynnen(de)/ te hebben noch te behouden in e(n)nig(er) manie(re)n Ende heeft voirt tselve/ zijn recht en(de) actie vanden goeden en(de) hueringhen voirs(creven) der vors(creven)/ lijsbetten zijnre dochter getransporteert en(de) heur overgegeven om/ heuren vryen wille dair mede te moegen doen zonder den vors(creven) heure(n)/ vader oft heuren bruede(re)n oft zust(ere)n d(air)inne e(n)nichssins gericht te/ zijne oft e(n)nich recht te moegen vermeten in e(n)nigen toecomen(de) tijden/ zonder fraude en(de) argelist berghe vos oct(obris) xiii