Item vanden gedinghe dat geweest es voer meye(r) en(de) scepen(en) van loeven/ tusschen katlinen joffrouwyden beghyne aenleggersse ter eenre ziden/ en(de) janne va(n) pamele raymake(r) verweerde(r) ter ande(re) alse va(n) zek(ere)n/ injuriensen woirden die met thoenisse bevonden zijn dat de vors(creven)/ raymake(r) op de voirs(creven) katlinen gesproken hadde So es bijden h(ere)n/ scepen(en) t(er) maniss(en) tsmeyers gewijst voe(r) een vo(n)nisse na aensprake/ verantw(er)den en(de) thoenisse d(er) vors(creven) katlinen dat de voirs(creven) jan van/ pamele der voirs(creven) katlinen ter bet(er)nisse doen sall een bedevairt/ tons(er) liev(er) vrouwen taken en(de) d(er)w(er)t te porren bynnen xl dage(n)/ naestcomen(de) en(de) goede waerh(eit) d(air)af bringen na des(er) stad rechte cor(am)/ roelants roelofs lyemi(n)ghen berghe langr(ode) vos oct(obris) xviii