It(em) es den voirs(creven) schu[l]tbrief bekindt te des(er) meyni(n)ghen oft de vors(creven) p(er)sonen/ of e(n)nich van hen vand(en) borchtocht van xii ryd(er)s erflic d(air) voe(r) de voirs(creven) jan/ van thienen de vader jan zijn sone de vors(creven) wilen cornelijs ende henr(ic)/ schoerbroot opten ix[ten] dach van febr(uari) int jair xiiii[c] lxxii aende capellane(n)/ van s(in)te pet(er)s te loeven voe(r) scepen(en) va(n) loeven des voirs(creven) jans willems/ en(de) zijns wijfs borghen bleven zijn scadechtich waren het wae(re) vanden/ principalen vanden jairliken v(er)schinen(de) rinten van vroentcosten oft ande(re)n/ dat zij hen dan d(air)mede behulpen zelen moegen en(de) execucie van dien neme(n)/ moegen over den p(er)soon des vors(creven) jans willem en(de) zijne en(de) zijnre huys/ vrouwen goede die zij op den dach van heden bezitten(de) zijn oft ten/ tijde vander execucien possesse(re)nde of bezittende zijn zullen oft hen/ in e(n)nig(er) manie(re)n toebehoiren(de) om die schade wed(er)om te verhalen met/ alle(n) coste en(de) co(m)me(r) En(de) dat hem elc vanden voirs(creven) borghen metten/ selven schultbrieve zal moegen behulpen om tot heurer maniss(en) aut/ alt(eri) vand(en) selv(en) borchtocht(en) int geheele ontslaghen en(de) ontlast te/ werden met allen coste en(de) co(m)me(r) cor(am) eisd(em)