It(em) henrick lodewijcx soen claes lodewijcx de selve claes zijn vad(er)/ en(de) peter van streecke behuwde soen des vors(creven) claes in desen v(er)vangen(de)/ beatrisen van stalle huysvrouwe des voirs(creven) henricks nu absent zijnde/ in p(rese)ncia hebben gelooft jaspar van overwynghe scrij(n)make(r) te goeden/ en(de) te vestighen tusschen dit en(de) kersmisse naistcomen(de) in drie gulden/ ryd(er)s te xxv stuv(er)s tstuck oft de weerde dair voe(r) in ande(re)n goeden/ gelde erflic vallen(de) jairlicx ts(in)te andriesmisse ap(oste)ls d(air)af dierste/ betalinghe zijn sall van s(in)t andriesmisse naistcomen(de) over een jair ende/ die te besetten op goede dobbele onderpande het zij leene oft tsijsgoede/ gelegen te kersbeke ten coste des vors(creven) henricx en(de) zijns wijfs met/ condicien dat de selve gehuysschen die zullen moegen afquiten bynnen/ tweelf jairen naistcomen(de) met xlii ryders inder weerden vors(creven) en(de) met/ vollen rinten Ende de voirs(creven) vestich(eit) gedaen zijnde sal de vors(creven) jasp(ar)/ den vors(creven) henr(icke) betalen xxviii gelike ryders Et p(ri)mus ende tot/ des voirs(creven) steet heeft de voirs(creven) henrick gelooft de voirs(creven) rente van/ jaire te jaire te betalen en(de) te loeven te leve(re)n den vors(creven) jasp(are)n costeloes/ en(de) vry van allen beden en(de) dorprechte Cor(am) roelants vos no(vembris) xxii/ ......cor(am) b(er)ghe tybe nov(embris) v a(nn)[o] lxxvi Sen(tentiatum) cor(am) berct ...../ m(ar)tii xxvii anno lxxix