SAL7762, Act: V°188.2 (342 of 660)
Search Act
previous | next
Act V°188.2  
Act
Date: 1475-02-09

Transcription

2019-08-01 by Walter De Smet
Nae dien dat woute(r) ende piet(er) de raet ghebruede(re) als momboe(re)n der/
kinde(re)n jans scowaerts van lyere met besedtte nae der bancken recht/
van ranst met meye(r) ende late vand(en) selv(en) banck ghedaen opde goede/
wout(er)s cools voir zeke(r) ticht ende recht dat sij dair op meynden te hebbe(n)/
ende voort tselve rastement metten rechte der selv(er) banck vervolght hadde(n)/
ende huer aensprake van dien ghedaen ende de selve wout(er) cools sijn/
voirs(creven) ghearresteerde goede ontsedt hadde met rechte ende ghelooft/
onghepoirtert ongheclerct ende onghevrijdt van dier saken ald(air) te/
rechte te stane ende dair nae als de selve p(ar)tijen mids donckerheyd(en)/
die de wethoude(re)n vander banck voirs(creven) in dien ghevoelden de selve/
p(ar)tijen ghesedt hadde op hair yerste voete o(m)me met me(er)de(re)n bescheyde en(de)/
informacie(n) huer voirs(creven) zaken ald(air) te volghen(e) ende dair nae de voirscr(even)/
wout(er) mids vryheyden van sijnre poirteryen de voirs(creven) sake alhier voir meye(r)/
en(de) scepen(en) van loven(en) t(er) ke(n)nissen van rechte betoghen hadde Soe es nae/
thonisse dair toe de voirs(creven) momboe(re)n ghewesen wae(re)n aenghehoort sijnde/
ghewijst dat de voirs(creven) momboe(re)n huer recht dat sij inde voirs(creven) banck/
voir meye(r) ende late van ranst vors(creven) beghonne(n) hebben voort (con)tinue(re)n/
moghen niet wederstaen(de) der poirteryen wout(er)s voirs(creven) cor(am) roelofs lyemi(n)ge(n)/
berghe vos febr(uarii) ix[a]
ContributorsJan Boncquet
Moderated byJan Boncquet
Last update: 2016-06-07 by Jos Jonckheer