SAL7762, Act: V°223.1 (413 of 660)
Search Act
previous | next
Act V°223.1  
Act
Date: 1475-03-02

Transcription

2019-09-25 by Walter De Smet
Wij roelofs vos doen cond ende kenlick allen lyeden dat op hede(n)/
voir ons come(n) es in p(ro)pren pp(er)sone hee(re) en(de) meest(er) henrick vynck doctoir/
in medicine(n) als man ende momboir joffr(ouwen) marie(n) nuweroets sijnre huysvr(ouwen)/
en(de) heeft wettelijken ghemechticht en(de) volcome(n) macht ghegeve(n) en(de) met/
des(en) l(ette)ren mechtich maecht ende volcome(n) macht gheeft tot sijne(n) wed(er)roepe/
reyne(re)n andries sijne(n) swag(er) o(m)me alsulke drie rijd(er)s lijft(ochten) staen(de) ten/
live der voirs(creven) joffr(ouwen) marie(n) en(de) wijlen lijsbette(n) nuweroets huer(en)/
sust(er) ende ten lanxte(n) leven(de) van hen beyden die nu v(er)schene(n) sijn en(de)/
naemaels v(er)schijne(n) sal moge(n) aen ende op zeke(re) goede en(de) ond(er)pande/
jans peet(er)s zone wijlen jans en(de) sijne(n) kinde(re)n ghelege(n) te langdorp/
t(er) plaetsse(n) gheheete(n) der lake ond(er) th(er)scap vand(en) rivie(re)n Te mane(n)/
teysschen op te bue(re)n ende tontfange(n) den schulde(re)n van sijne(n) ontfange/
quijt te schilde(n) ende quijtan(cie) te gheve(n) de selve lijft(ochten) met rechte/
te vervolghen ende te bedinghe(n) die te wynne(n) ende te v(er)liesen Dair/
voe(r) te panden te dagen(e) en(de) rastamente te doen legghen composicie/
en(de) mynlijke yffeni(n)ge d(air) af te maken ende alle manie(re)n en(de) artijclen/
van rechte d(air) toe te vorde(re)n die nae recht oft costume vanden plaetssen/
dair dat behoirt ghebue(re)n moge(n) Ende voorts allet ghene dair/
inne te doen en(de) te vorde(re)n (et)c(etera) P(ro)mitten(tes) rat(um) in welken dinge(n) getuy/
genissen onse zegelege des(en) l(ette)ren sijn aengehange(n) Gegeve(n) ii in m(er)te
ContributorsJan Boncquet
Moderated byJan Boncquet
Last update: 2016-06-07 by Jos Jonckheer