Item na dien dat arnd van wynghe en(de) jan sanebien geheten wettwale/ die met danckairde willems goudsmet en(de) b(ar)telmeeuse van mailcote/ tselven rechte overhebben van janne van wynghe en(de) katlinen vanden/ velde zijnen wive eenen scepen(en) brief van loeven sprekende va(n) xxii/ rijnsch(en) gulden(en) te weten xx stuv(er)s voer elken rijnsch(en) gul(den) gereke(n)t/ dair inne h(er) mauricius van steensele priest(er) verobligeert es en(de)/ in meerder vestich(eit) van dien de selve h(er) mauricius een huys met/ zijnre toebehoirten gelegen inde bieststrate bijde voerbrugghe tusche(n)/ de selve brugghe en(de) de goede der weduwen jans wilen de moor/ in title van onderpande verobligeert heeft ende d(air)nae de vors(creven) p(er)sone(n)/ den voirs(creven) brief overhebben(de) hen tot den voirs(creven) huyse d(air) voe(r) pand/ zijnde hebben doen leyden So zijn comen in rechte de vors(creven) arnd/ van wynghe en(de) jan sanebien ter eenre en(de) de vors(creven) h(er) mauricius t(er)/ ande(r) zijden Aldair tusschen de voirs(creven) p(ar)tien hen ten beiden zijden/ in alle tghene des elc van hen voer hem heeft gelieft tallege(re)n/ gehoirt zijnde de scepen(en) van loeven gewijst hebben dat zij
//
beg(er)den de wettighe gebreken die de voirs(creven) arnd en(de) jan sanebien ond(er)/ hen beiden hebben bij hueren eeden geverificeert te hebben ende/ dae(re)nteynden recht So zijn op heden comen de vors(creven) arnd/ van wynghe en(de) jan sanebien en(de) hebben heur wettige gebreke/ bij heurer wettig(er) eed geverificeert dat zij mids heuren scepen(en)/ brieven voirs(creven) aende voirs(creven) goede deughdeliken en(de) gewarichliken/ tachter en(de) in gebreke zijn van ontheffene van eenen ryd(er) lijft(ochten)/ en(de) eenen clinckairt lijftochten van welker lijftocht de voirs(creven)/ arnd den voirs(creven) janne sanebien en(de) oic danckairde willems/ en(de) b(ar)telmeeuse van mailcote gelooft heeft tontheffene na den/ welken de scepen(en) van loeven gewijst hebben dat den voirs(creven)/ janne sanebien de voirs(creven) goede volghen selen tot behoef van/ heuren geverificeerden gebreken Cor(am) eisdem roelants roelofs/ berghe vos heykens m(ar)cii iiii[ta]