Allen den ghenen (et)c(etera) met kennissen der waerheyt doen te weten(e) dat op heden/ voir ons come(n) es in p(ro)pren p(er)sone joffr(ouwe) katlijne weduwe meest(er) raes wijlen/ van hede secretar(is) der stad van loven(e) ende heeft [gemaect] gheconstitueert ghesedt/ en(de) gheordineert ende met des(en) maect constitueert sedt ende ordineert hue(re)n/ p(ro)cureur ende voirgange(r) raese van hede hue(re)n zone tyerst uut den broede/ der selve(r) sijnre moeder wettelick ghedaen sijnde in allen hue(re)n saken questien/ ende bederve(n) die sij nu te doen ende te te vorde(re)n heeft oft naemaels hebben sal/ moghen alsoe wale eysschende als verwerende Ghevende ende verleenende/ de voirs(creven) joffr(ouwe) katlijne den voirs(creven) raese hue(re)n zone volcome(n) macht/ auctoriteyt ende sp(eci)a(e)l beveel alle de selve huer saken ende bederve(n) teghe(n)/ eene(n)yeghelijken ende voir allen richte(re)n ende wethoude(re)n met rechte te v(er)volge(n)/ te bescudden te verwae(re)n ende te bedinghen ende alle pointen ende artijclen/ van rechte dair inne te houden(e) ende te vorde(re)n die dair toe nae recht/ oft costume vanden plaetssen dair dat ghebuert behoe(re)n mogen Ende/ desgelijx om inden name vand(en) voirs(creven) joffr(ouwen) katlijne(n) alle alsulke chijse/ renten pachten hueringhen vervallen ende schulden diemen huer nu/ schuldich es oft naemaels wesen sal hoedanich die sijn oft aen wat/ goeden oft p(er)soene(n) die uutstaen Te mane(n) teysschen opte bue(re)n en(de) tontfange(n)/ quitan(cie) van sijne(n) ontfanghe te gheve(n) composicie en(de) mynlijke yffeni(n)ge/ dair af te maken dair voe(r) te panden te daghen ende rastamente te doen/ legghen scepen(en) brieve te vo(n)nissen ende te exeque(re)n ende oick de selve/ tsijse rinte(n) pachte(n) hueringhe(n) vervallene ende schulde(n) ofts noot ghebuerde/ met rechte te vervolghen teghen eene(n)yegelijken ende tallen plaetssen dair/ dat behoeve(n) sal moghen Ghetuyghe(n) ofts behoeft te leyden der wed(er)p(ar)tijen/ ghetuyghen te sien swe(re)n die te batte(re)n te replice(re)n te duplice(re)n alsoe wale/ int principael als int accessoir alsoe dicwijle en(de) menichwerve(n) als des/ te doen sijn sal ende voirtaen g(e)n(er)alick ende sp(eci)alick allet ghene dair/ inne te doene en(de) te vorde(re)n dat de voirs(creven) joffr(ouwe) katlijne selve soude moghen/ doen waert dat sij ald(air) p(rese)nt ende voir oeghen wae(re) Ghevende en(de) verleenen(de)/ den voirs(creven) raese hue(re)n sone oick volcome(n) macht en(de) auctoriteyt eene(n)/ oft meer p(ro)cur(eur)s oft p(ro)cur(eur)s in sijn stad voorts te stellen en(de) te substitue(re)n/ die gelijke macht hebben sal en(de) selen in des voirg(eruert) es Ghelovende/ de vors(creven) joffr(ouwe) katlijne te houden voir goet vast ghestentich en(de) van/ weerde(n) tewighen dagen allet ghene des bijden vors(creven) raese hue(re)n sone/ oft sine(n) voortghesubstitueerden in des voirs(creven) es en(de) in des dair aen/ cleve(n) en(de) uutspruyte(n) sal moge(n) gedaen ende ghevoed(er)t sal wesen het
//
sij te wynnen(e) oft te verliesen(e) zond(er) dair teghen te doen in e(n)nig(er)/ manie(re)n zond(er) arghelist behoudelijck der voirs(creven) joffr(ouwen) katlijnen/ goede wettige rekeninghe ende bewijs te gheschieden vors(creven) vanden vors(creven)/ raese hue(re)n sone ende sijne(n) gesubstitueerde(n) en(de) elken besund(er)t tallen tijde(n)/ als sij des van he(n) beghe(re)n sal Due(re)nde (et)c(etera) cor(am) ouderogghe burg(imagistro)/ berghe lang(rode) scab(inis) april(is) iiii[ta]