Allen den ghenen (et)c(etera) goird vleemincx soen wilen jans woenende/ tast heeft geconstitueert gestelt ende geordineert en(de) met des(en)/ l(ette)ren constitueert stelt en(de) ordineert zijne p(ro)cur(eur)s en(de) voirgang(er)s/ mychiele tsoers janne vaes beide voerspreken en(de) zeghe(re)n/ croes vorster te goetsenhoven in allen zijnen saken geschillen/ en(de) bederven die hij nu uutstaende heeft of namails hebben/ sal moegen in aenlegg(er)s of verweerd(er)s stad hoedanich die/ zijn Geven(de) en(de) verleenen(de) de vors(creven) constitueerder den voirs(creven)/ zijnen p(ro)cur(eur)s en(de) elken bizund(er) thoenre des(er) l(ette)ren volcomen/ macht auctoriteit en(de) zunderlinghe beveel alle de selve saken/ met rechte te verwaren te beschudden te vervolgen en(de) te bedingen/ tallen plaetsen en(de) gerichten en(de) tegen eene(n)yegliken dair des/ behoeven en(de) te doen sal wesen Ende desgelijcx om alle/ des voirs(creven) constitueerd(er)s tsijze rinten pachten en(de) ande(r) sculden/ diemen hem nu sculdich es of namails wesen sal te manen/ teyschen op te boe(re)n en(de) tontfanghen den sculde(re)n van zijne heuren/ ontfanghe quijt te schelden en(de) quitancie te geven daghe en(de)/ respijt te verleenen vanden ande(re)n d(air) voe(r) te panden te dagen/ en(de) rastamente [te] doen leggen composicie en(de) mynlike yffeninghe/ d(air)af te maken scepen(en) brieve te vo(n)niss(en) en(de) die texeque(re)n de selve/ tsijze rinten pachten en(de) sculden met rechte teyschen en(de) te v(er)volge(n)/ die te wynnen en(de) te verliesen getuygen ofts behoeft te leiden/ der wed(er)p(ar)tien getuygen te zien swe(re)n die te batte(re)n te replice(re)n/ te duplice(re)n also wail int principael als int accessoir alsoe/ dicwile en(de) menichwerven als des te doen zijn sal en(de) alle/ poenten en(de) articulen van rechte d(air)toe te vorde(re)n die na recht/ of costume vand(er) plaetsen dair dat geboert behoiren moegen en(de)/ den vors(creven) p(ro)cur(eur)s orb(er)lic duncken selen Ende voirts alle/ tghene (et)c(etera) Gelovende vast Cu(m) comput(atione) (et) revoc(atione) Cor(am)/ ouder(ogghe) burg(imagistro) roelants langr(ode) scab(inis) maii xxix