It(em) ter meerd(er) vestich(eit) van des voirs(creven) es den voirs(creven) meest(er) goorde sine(n)/ na(tuer)lijken zone ende reyne(re)n te doene soe sijn bij handen mercx crauwels/ vorst(er)s te loven(en) vanden voirs(creven) h(ere)n willem(me) den voirs(creven) meest(er) goorde tot/ behoef als vore in handen gesedt ende voir tvoldoen der voirs(creven) rinten/ verobligeert de juweele(n) h(ier) nae besc(re)ven Te weten(e) vier zilve(re) schalen/ de boorde vergult weghende tsame(n) iiii m(er)ct schaers Te dyen eynde/ ghebuerdet den voirs(creven) meest(er) goorde sine(n) na(tuer)lijken zone oft reyne(re)n/ e(n)nigh ghebreck inder voirs(creven) lijft(ocht) oft ind(en) bewijsenissen der selv(er) te hebben(e)/ dat sij oft ande(r) recht inde voirs(creven) lijftochte hebben(de) sijn gebreck aende/ voirs(creven) pande v(er)halen sal moghe(n) ende die met rechte vercoepen ten/ prijse van juwelie(re)n oft goutsmeden hen des verstaen(de) vercoepen ende/ ten hoeghsten brenge(n) (et)c(etera) Ende oft de voirs(creven) meest(er) goort en(de) dande(r)/ pensionarijse and(er)s dan met vercoepe der selv(er) juweelen v(er)nuegt/ wordde(n) soe sal de voirs(creven) meest(er) goort ghehoude(n) sijn den voirs(creven) h(ere)n/ willem(me) de voirs(creven) juweele(n) te restitueren(e) gelijck [die] voirgeruert stae(n) eisd(em)