It(em) als van alsulken xxx clinckairden te xv stuv(er)s tstuc die den/ vors(creven) boudewijne ende zijnen wive alnoch comen uut saken vanden v(er)cope/ der voirs(creven) goede boven tghene des zij vanden voirs(creven) janne in gerede(n)/ pe(n)ninghen gehaven hebben en(de) noch boven de vier clinck(air)de elken/ clinckairt ten prise vors(creven) die de voirs(creven) joff(rouwe) heylwijgh vanden/ selven janne bij consente ende ten beheete ende in p(rese)ncien der scepen(en)/ van loeven h(ier) na genoemt ontfanghen heeft hebben de selve baud(ewijn)/ ende zijn wijf geconsenteert ende den vors(creven) janne bevolen dat hij/ die selve xxx clinckarde leve(re)n ende bringhen sal in handen/ sanders van oirbeke en(de) dair mede gestaen zonder dat zij den/ selven janne uut ocsuyne van dien voird(er) zullen moegen pramen/ oft eysschen in e(n)nig(er) manie(re)n eisd(em)