It(em) hoewel de vors(creven) willem dobbel brieve heeft vander vors(creven) rinten/ so es nochtans vorwerde dat de vors(creven) gehuyschen gestaen zele(n)/ met eenen rijnsch(en) gulden(en) d(air)af jairlicx te betalen mair de/ vors(creven) willem sal hem moegen behulpen met welken brieve/ hem gelieft tot der [jairliker] betalingen der vors(creven) rinten en(de) oic/ om voirde(re)r vestich(eit) te hebben want datmen namails bevonde/ dat hij met der vors(creven) vesticheit niet wel besorght noch/ verwairt en wae(re) Cor(am) eisd(em)