Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide der stat van loven(en) saluyt/ Doen cont en(de) te weten dat op den dach datum van desen/ voir ons comen en(de) gestaen is jacop scholier onse ingeseten/ poirte(r) en(de) heeft geconstitueert gesedt volcomen macht p(ro)curacie/ en(de) auctoriteit gegheven sonder e(n)nich wederroepen gorde/ scholier zijnen sone te vervolghen te manen teysschen/ opte boren en(de) tontfanghen alsulken sesse ryns gul(den) erflic/ tsint jansmesse te betalen als de vors(creven) jacop jacop jai(r)lix/ heeft met scepen(en) brieve(n) besegelt metten gemeynen/ seghel des dorps van werchters aen en(de) op x dach(mael) eeusels/ geheten de sluysdonc [gelegen te werchte(r)] neve(n) tshe(re)n goede van chantrain gelic/ de selve scepen(en) brieve van werchte(r) va(n)der daet xiiii[c] xlv/ op sint jansdach baptisten naerd(er) uutwisen en(de) begrypen/ dair voir te panden te daghen rastementen te doen leggen/ die met rechte texeque(re)n [quitancie en(de) qui d(air)af te geven] die te wynnen en te verliesen/ voir alle gerichten gheestelic en(de) weerlic nade gewoente/ vand(er) plaetsen dair des behoeven sal Te replice(re)n/ te duplice(re)n also wale int principael als int accessoir/ ghetuygen ofs behoeft te leiden d(er) wederp(ar)tien getuygen/ te sien zwe(re)n die te batteren also dicwille ende/ menichwerve(n) als des te doen sal zijn En(de) vort/ aen (et)c(etera) Promitt(ens) rat(um) cor(am) ouder(ogghe) burg(imagistro) roelants vos/ novembris xiiii