SAL7762, Akte: V°132.2 (245 van 661)
Akte V°132.2
Act
Datum: 1474-11-26
Transcriptie
2019-05-08 door Walter De SmetAllen den ghenen (et)c(etera) weyn ramp(ar)t ende joffr(ouwe) anne ramp(ar)t sijn zust(er)/
kynde(re) weyns wijlen ramp(ar)t yerst uut den brode joffr(ouwen) kerstijne(n) svilt(er)s/
heur(er) moeder wed(uwe) desselfs wijlen weyns bij consente jans van berthem/
nu huers mans wettelick ghedaen sijnde ende hebben in alle der bester/
forme(n) ende manie(re)n soe dat nae recht best mach diene(n) en(de) behoire(n) geco(n)stitu(eert)/
ghesedt volcome(n) macht p(ro)curacie en(de) auctoriteyt ghegheve(n) bij consente des/
voirs(creven) jans van berthem ende sijns wijfs claese ramp(ar)ts zone weyns ramp(arts)/
in allen hue(re)n saken gheschillen ende bederve(n) die sij nu uutstaen(de) hebben oft/
naemaels hebben sullen in aenlegg(er)s stadt hoedanich die sijn Ghevende/
ende verleene(n)de de voirs(creven) kinde(re) ramp(ar)t den voirs(creven) hue(re)n p(ro)cur(eur) volcome(n) macht/
en(de) zunderlingh beveel alle de selve zaken met rechte te verwae(re)n te bedinge(n)/
te beschudden en(de) te vervolghen tallen plaetssen en(de) gherichten ende teghen/
eene(n)yeghelijken dair dat behoeve(n) sal moghe(n) Ende desgelijx o(m)me alle/
der voirs(creven) kinde(re) goede chijse rinten pachte ende ande(r) schulde(n) die men hen/
nu schuldich es oft naemaels wesen sal te mane(n) teysschen op te bue(re)n ende/
tontfanghen Den schulde(re)n van hue(re)n ontfanghe quit te schilden(e) ende quitan(cie)/
te gheven daghe ende respijt te gheven vanden ande(re)n dair voe(r) te panden(e)/
te daghen(e) te beleyden ende rastamente te doen leggen composicie ende/
mynlijke yffeni(n)ghe dair af te maken scepen(en) brieve(n) te vo(n)nissen en(de) die/
texeque(re)n die selve chijse rinten pachte(n) en(de) schulde(n) met rechte teysschen/
en(de) te vervolghen die te wynne(n) ende te verliesen ghetuyghen ofts behoeft/
te leyden die wederp(ar)tijen ghetuyge(n) te sien swe(re)n die te batte(re)n te replice(re)n/
te duplice(re)n also wale int pri(n)cipael als int accessoir alsoe dicwijle en(de)/
menichwerve(n) als des te doen sal sijn Ende alle pointe(n) en(de) ar(ticu)[le(n)] van rechte(n)/
ende g(e)n(er)alick allet ghene (et)c(etera) Behoud(elic) altijt goede rekeni(n)ge (et)c(etera) ...?/
cor(am) ouderogghe burg(imagistr)[o] lang(rode) vos scab(inis) no(vem)[b(ris)] xxvi
Nagekeken door: Jan Boncquet
Moderator: Jan Boncquet
Laatste update:: 2016-05-24 door Jos Jonckheer