It(em) nae dien dat brueder wout(er) van wersbeke meest(er) en(de) p(ro)cur(eur)/ des godshuys van meeghdendale toplynter als op heden hadde doen/ besc(ri)ven hubrechte matelot die als p(ro)cur(eur) godefroits van/ marinef hem pijnde onghebruyck te doene aen alsulken coren/ als de selve brueder wouter ligghende hadde toverwynde ten/ huyse des stedehouw(er)s smeyers vander gheeten welke/ coren den selve(n) brueder woute(re)n als gheleydt tot den goeden/ woute(re)n ende symoens van donghelberghe aenghewesen was/ te volghen(e) voir tvoldoen vand(en) verloepe van drie jairen van drie/ sacken t(er)wen lijftochten van drie jaire(n) en(de) dair ov(er) verloepen/ staen(de) ten live joff(rouwen) goedelen van donghelb(er)ghe gelijck de vo(n)niss(en)/ dair af ghewesen staen(de) martii xix lestleden dat naeder uut/ wijsen en(de) begrijpen Tot welken daghe [de] voirs(creven) hubrecht niet/ en comp(ar)eerde soe hebben de scepen(en) van loven(en) met vo(n)nissen/ ghewijst datmen den voirs(creven) brueder woute(re)n houden sal in/ sijn ghewijsde vo(n)nissen soe verre dat noch voir hen come(n) es/ cor(am) roelants berghe vos heykens januarii xvii