Allen den ghenen (et)c(etera) dat joffr(ouwe) jehanne vanden wolputte weduwe jans/ wilen van tsestich en(de) naweduwe augustijns wilen van dormale/ heeft geconstitueert gesett en(de) geordineert en(de) met des(en) l(ette)ren (con)stit(ueert)/ zett en(de) ordineert heure p(ro)cur(eur)s en(de) voergang(er)s meest(er) golijne/ van tsestich heuren sone [p(ri)[(us)] emancip(atum)] pet(ere)n van dormale heuren behuwden sone/ janne van dormale brueder desselfs peters en(de) wille(m)me van/ leefdale in allen heuren saken geschillen en(de) bederven die zij/ nu uutstaende heeft of namails hebben sal in aenlegg(er)s oft/ verweerd(er)s stad hoedanich die zijn also wel inder saken/ die zij uutstaen(de) en(de) hanghen(de) heeft voe(r) meye(r) en(de) scepen(en) van lov(en)/ tegen h(ere)n daneele vander rivie(re)n ridde(r) als ande(re)n Geven(de) ende/ verleenen(de) de vors(creven) constitueerd(er)sse den voirs(creven) heuren p(ro)cur(eur)s en(de)/ elken bezund(er) thoenre des(er) volcomen macht aucto(r)iteit en(de) zu(n)d(er)linge/ beveel alle de selve saken met rechte te verwaren te beschudden/ te vervolgen en(de) te bedinghen tallen plaetsen en(de) gerichten en(de)/ tegen eene(n)yegeliken dair dat behoeven sal moegen En(de) desgelijcx/ om alle des voirs(creven) constitueerd(er)ssen tsijze rinten pachten lijft(ochten)/ en(de) ande(re) schulden diemen heure nu sculdich es of namails wesen/ sal Te manen teyschen op te boe(re)n en(de) tontfanghen den sculde(re)n/ van heuren ontfange quijt te schelden en(de) quitancie te gheven daghe/ en(de) respijt te verleenen vanden ande(re)n Dair voe(r) te panden te dagen/ en(de) rastamente te doen leggen composicie en(de) mynlike yffeninghe/ dairaf te maken scepen(en) brieve te vo(n)niss(en) en(de) die texeque(re)n de selve/ tsijze rinten pachten en(de) schulden met rechte teysschen en(de) te v(er)volgen/ die te wynnen en(de) te verliesen getuygen ofts behoeft te leyden/ der wed(er)p(ar)tien getuygen te zien zwe(re)n die te batte(re)n te replice(re)n/ te duplice(re)n also wael int principael als in daccessoir also dicwile/ en(de) menichw(er)ven als des te doen zijn sal en(de) alle poenten en(de) ar(ticu)[len]/ van rechte d(air)toe te vorde(re)n die na recht of costume vand(er) plaetsen/ dair dat geboirt behoiren moegen en(de) den vors(creven) p(ro)cur(eur)s orberlic/ duncken [sal] En(de) voirts alle tghene (et)c(etera) Geloven(de) vast (et)c(etera) Cu(m) (com)put(atione)/(et) revocacione Cor(am) roe ouder(ogghe) burg(imagistro) roelants b(er)ghe scab(inis)/ marcii xi