Item also als ten vervolghe jans wettwale geleidt zijnde na den rechte/ der stad van loeven voer zijn wettighe gebreke tot allen den goeden/ have en(de) erve henricks sabijn soen wilen henricks gescreven es geweest/ vand(er) stad wegen van loeven den meye(r) van graven oft zijnen stadh(ouder)/ hem de selve goede te leve(re)n ende oft de voirs(creven) henrick die cureit/ van roulx miroir en(de) willem del kyese dair tegen iet zeggen/ wilden dat zij des tot eenen zek(ere)n daghe van rechte op heden/ mids verstrikene van genechten dienen(de) alhier quamen int recht/ gelijc onse versuecbrieve dat voirder inhielden Ende des vors(creven)/ geleidden wederp(ar)tie alhier niet comen en es den voirs(creven) janne alh(ier)/ comende en(de) trecht versuecken(de) thoenende oic certificacie vander/ execucien geschied vanden voirs(creven) versuecke bijden voirs(creven) meye(r)/ So hebben de scepen(en) van loeven gewijst voer een vo(n)nisse/ so verre svoirs(creven) geleidden wederp(ar)tie niet en quame ten opstaene/ tsmeyers en(de) van hen datmen hem dan houden soude vanden/ voirs(creven) goeden in zijnen beleide tot zijnen wettigen gebreke/ behoef zo verre het noch voer hen comen es Cor(am) roelants/ roelofs berghe langr(ode) vos heyk(ens) m(ar)cii xvi