It(em) de voirs(creven) gehuyschen hebben gelooft tot heuren coste in meerd(er) vestich(eit)/ van des voirs(creven) es den vors(creven) janne de briede(re) en(de) oic den borghe in/ theurer a(ut) alt(eri) maniss(en) in handen te stellen een mudde rogs/ erflic dat zij hebben aen en(de) op (½) boender lands der erfgenamen/ henricks wilen danijs gelegen te wackersele aende leeps It(em) noch/ een pansier en(de) eenen horenen armborst om den vors(creven) janne zijn/ betalinghe d(air)aen te moegen nemen en(de) den vors(creven) borghe in gevalle/ oft hij mids d(en) vors(creven) borchtocht beschedicht wae(re) die schade met/ coste en(de) co(m)me(r) d(air)aen te verhalen en(de) and(er)s niet En(de) den vors(creven) ja(n)ne/ va(n) des voirs(creven) es betaelt zijnde so salmen dit en(de) oic de vestich(eit)/ die geschien sal te nieute doen eisd(em)