Item de voirs(creven) vrouwe lijsbeth met janne heuren sone p(ri)us eman(cipa)[to]/ geloven(de) als voe(r) h(ere)n janne heuren man te vervanghen (et)c(etera) henrick/ en(de) amelrijck pynnoc voer hen selven en(de) inden name ende/ van weghen emonts en(de) lodewijcx heuren bruede(re)n die zij/ in desen oic geloven te vervanghen hebben malcande(re)n toegeseeght/ en(de) gelooft oft zo wae(re) dat de gesust(ere)n des vors(creven) henricks/ en(de) amelrijcks ende docht(ere)n des voirs(creven) wilen amelrijcx e(n)nichssins/ meynden voirder dan in tderdendeel gericht te zijne inde/ leengoede die naecteliken bleven zijn en(de) van outs hebben/ toebehoirt amelrijcke wilen pynnoc oft oic e(n)nichssins in/ e(n)nigher porcien oft deele meynden gericht te zijne inde leengoede/ die h(ere)n symoene wilen pynnoc toebehoirt hebben dat zij dan/ hen dair teghen samentliken p(ar)tie zullen maken ende hen/ dairaf diffende(re)n tegen de gesuste(re)n voirs(creven) Ende oft den/ selven gezuste(re)n van e(n)nighen van dien leengoeden yet meer/ aengewesen wordde dat zij samentliken van dien te geliken/ verliese en(de) laste staen zullen elc na zijn advenant het/ zij dat dat verlies geboert bij rechte oft mynlic bij tractate/ desgelijcx oft joffr(ouwe) elze pynnocx weduwe willems wilen/ van daelhem ende zuster der voirs(creven) gebruede(re)n meynde gericht/ te zijne inde tsijsgoede ende eygengoede gecomen van h(ere)n symoene/ wilen pynnoc ridde(r) dat zij insgelijcx samentliken van dien/ p(ar)tie zullen maken tegen de selve joffr(ouwe) elze en(de) heuren kynde(re)n/ om die selve joffr(ouwe) elze met heuren kynde(re)n d(air) inne niet/ gericht te zijne oft ten minsten inne te bringhen alsulken/ goede alsmen bevinden sal moegen dat zij sculdich ware/ inne te bringhen Ende oft van dien der selver joff(rouwen)/ elzen oft heuren kynde(re)n yet aengewesen wordde met rechte/ oft met mynliken tractate aengevueght dat van dien de/ voirs(creven) vrouwe lijsbeth met heuren medeplicht(ere)n vorscr(even) te/ geliken laste zullen staen elck na advenant Cor(am) roelofs vos ap(ri)lis x