It(em) nae dien dat katlijne clincke weduwe jans wijlen vanden/ wolputte t(er) eenre ende jan vander voort t(er) ande(r) zijden comen/ sijn in rechte voir meye(r) ende scepen(en) van loven(e) alse van zeke(re)/ gheschille vander coepmanscap van eenen huyse gheleghen te/ wesemale dwelck de voirs(creven) jan teghen der voirs(creven) katlijne(n)/ ghecocht ende ghereghen heeft ende men bevyndt dat huerliede/ gheschille(n) van dien onlanx bijden raide vander stad met t(er)mi(n)acie(n)/ beslicht sijn ghelijck de voirs(creven) jan vander voort dat metter selv(er)/ t(er)minacie(n) staen(de) m(ar)cii xxii lestleden dede blijken Soe es bij vo(n)nissen der/ scepen(en) ghewijst dat de voirs(creven) katlijne ghehouden sal sijn den voirs(creven) janne vanden voirs(creven) huyse guedinghe te doene nae inhouden(en) der/ t(er)minacie(n) voirs(creven) cor(am) roelants roelofs berghe langr(ode) vos heykens/ april(is) xii