It(em) de vors(creven) meester thomaes en(de) anthoenijs zijn sone in p(rese)ncien (et)c(etera)/ hebben gekindt ende gelijdt hoewel de voirs(creven) vranck gelijc hen/ en(de) zonder gelufte van ontheffene der voirs(creven) iii cronen lijft(ochten)/ verobligeert steet dat zij nochtan de pe(n)ninghe gecomen/ vanden vercoope der selver drie cronen gehaven hebben en(de)/ in heuren p(ro)fijte bekeert zonder den selven vrancken d(air)af e(n)nige/ pe(n)ninghe gehaven oft geboert te hebben Ende hebben d(air)om/ gelooft de vors(creven) meester thomaes en(de) zijn sone de jairlijcsche/ pachten van vors(creven) drie cronen lijftochten verschinen(de) jairlicx/ te betalen en(de) den vors(creven) vrancken dairaf en(de) van allen costen/ en(de) lasten die hij d(air)om soude moegen hebben of liden hoedanich/ die waren scadeloes tontheffen Consente(re)nde oic en(de) ov(er)geven(de)/ de vors(creven) meest(er) thomaes en(de) zijn sone den selven vrancken die van/ hen zeke(re) lande gelegen te holsbeke en(de) dair omtrint in pechtingen/ houden(de) es tsjaers om xxxi mudden rogs dat de voirs(creven) vranc/ ts(in)t andriesmisse naistcomen(de) en(de) ts(in)t andriesmisse dair na telken/ s(in)t andriesmisse sal moegen vercopen vanden vors(creven) pachte coren/ om thien cronen en(de) die pe(n)ninghe te hemw(er)t nemen en(de) ond(er)houden/ en(de) desgelijcx ten derden s(in)t andriesmisse d(air)na vercopen om/ d(er)thien cronen corens en(de) die pe(n)ninghe oic onderhouden om/ ten ynde vanden drie jairen de voirs(creven) lijftocht int geheele af te leggen met den vors(creven) pe(n)ningen te quiten en(de) af te legghen/ en(de) hem selven d(air)af te lossen Cor(am) eisd(em)