Allen den ghenen (et)c(etera) dat bertelmeeus boets en(de) katline vanden bossche/ zijn wijf hebben geconstitueert gestelt en(de) geordineert en(de)/ met des(en) l(ette)ren constitue(re)n stellen en(de) ordine(re)n heure p(ro)cur(eur)s en(de)/ voirgang(er)s vrancken boets heuren sone p(ri)us eman(cipa)[tu(m)] arnde/ vander gheeten en(de) henricken vanden opstalle woenen(de) te cortbeke/ ov(er)loe zwag(er) der voirs(creven) katlinen in allen heuren saken geschillen/ en(de) bederven die zij nu uutstaende hebben of namails hebben/ selen moegen in aenlegg(er)s of verweerd(er)s stad hoedanich die/ zijn Geven(de) en(de) verleenen(de) de vors(creven) constitueerd(er)s den voirs(creven)/ heuren p(ro)cur(eur)s en(de) elken bizunder thoenre des(er) volcomen macht/ auctoriteit en(de) zunderlinghe beveel alle de selve saken met/ rechte te verwaren te beschudden te vervolgen en(de) te bedingen/ tallen plaetsen en(de) gerichten en(de) tegen eenenyegeliken daer des/ behoeven en(de) te doen sal wesen ende desgelijcx om alle der vors(creven)/ constitueerders tsijze rinten pachten en(de) ande(re) sculden diemen hen/ nu sculdich [es] of namails wesen sal Te manen teysschen op te boe(re)n/ en(de) tontfanghen den sculde(re)n van heuren ontfanghen quijt te/ schelden en(de) quitancie te gheven daghe en(de) respijt te verleenen/ vanden ande(re)n dair voe(r) te panden te daghen en(de) rastamente te/ doen leggen composicie en(de) mynlike yffeninghe d(air)af te maken/ scepen(en) brieve te vo(n)niss(en) en(de) die texeque(re)n de selve tsijze rinten/ pachten en(de) schulden met rechte teyschen en(de) te vervolgen [en(de) te bedingen] die te/ wynnen en(de) te verliesen getuygen ofts behoeft te leyden der/ wed(er)p(ar)tien getuygen te sien zweren die te batte(re)n te replice(re)n te/ duplice(re)n also wail int principael als int accessoir also dicwile/ en(de) menichwerven als des te doen sijn zal En(de) alle poenten/ en(de) articulen van rechte d(air)toe te vorde(re)n die na recht of costume/ vand(er) plaetsen dair dat geboirt behoiren moeghen en(de) den/ vors(creven) p(ro)cur(eur)s orberlic duncken selen En(de) voirts alle tghene (et)c(etera)/ Geloven(de) vast Cu(m) comput(atione) (et) revoc(atione) Cor(am) ouder(ogghe) burg(imagistro)/ vos heyk(ens) scabinis junii v